Lukas 10:28 - Porjanjian Boharu Torjomahan Baso Dilakng Soari-ari

²⁸ “Timbas kolai nantai bondar,” kato Yesus. “Labuhancam nantai, kolaipan tajahan bodapat hidup kokal.”

Lukas 10:28 ပူးပေါင်းရင်းမြစ်များ

Matius 19:17

Kato Yesus, “Pikiran holu'ai masud kolai sobolupm kolai botakutn ko Aku mongona'i la'apo inyo boi'. Obai, bayo Allah inyo boi'. Aman kolai honda' bodapat hidup somanah-manahnyo, ongko kolai gola' monaati boko porintah Allah.”

Markus 12:34

Yesus moniant obai guru nantai monimbas agatn bijaksana. Jadi, Yesus bopandir ko io, “Kolai kinyo jouh doi' Koraja'an Allah!” Lopas nantai, conyiant urakng inyo borani agi' moncubo mouru'an Sio agatn potakutan.

Lukas 7:43

Timbas Simon, “Aku kiro io inyo palikng banyaꞌ dihapus hutakngnyo.” Kato Yesus, “Bondar pondapat kolai nian.”

Roma 10:4

Kristus ia'an ponggonapan doi' Hukupm Torat. Jadi, somuo monsio inyo pocayo ko Sio monjadi bondar di pohadapan Allah.

Roma 3:19

Kito tohu obai la'apo pan inyo totulis dalapm Hukupm Torat, tomansu' pomandiran nantai, pakai' urakng inyo mondapat'an Hukupm Torat nantai jam. Jadi, sopo pan conyiant alasan pakai' mombondaran diri. Somuo urakng di soluruh dunia gola' dihukupm Allah.

Roma 7:10

huatan aku mati. Jadi, tujuan porintah nantai ia'an mombulah urakng hidup, apo nyatonyo aku molanggar porintah nantai sampai aku gola' dihukupm mati topisah doi' Allah.

Galatia 3:12

Apo caro hidup monaati Hukupm Torat kinyo samo agatn caro hidup pocayo ko Allah. Malahan sobali'nyo, ‘boko urakng inyo bousaha monaati Hukupm Torat, sia' paca'an hala momporhatian porintah huatan poraturan nantai dalapm hidup sia'.’