Lukas 10:17 - Porjanjian Boharu Torjomahan Baso Dilakng Soari-ari

¹⁷ Kotujuh puluh murid nantai botula'. Lopas sia' molabuhan somuo inyo disiuh Yesus, sia' bobali'am agatn hati rindakng. Kato sia' ko Yesus, “Tuhatn, boko roh jahat pan taat watu koi monundukngnyo agatn kuaso Duatn.”

Lukas 10:17 ပူးပေါင်းရင်းမြစ်များ

Matius 4:24

Borito mongona'i Sio tosebar doi' doerah Galilea sampai ko somuo doerah Siria. Jadi banya' urakng datakng ko Sio. Sia' mombaba' boko urakng inyo boponyakit huatan kosusahan. Ado inyo korasu'an boko roh jahat. Ado inyo gogilo babi. Ado inyo lumpuh. Yesus monyamani sia'.

Markus 16:17

Ni'in boko tando boko urakng inyo pocayo. Sia' paca'an ulih mombulah mujisat sama'an ni'in: Sia' paca'an monundukng roh jahat dalapm damo-Ku. Sia' paca'an bopandir agatn boko baso inyo kinyo kalo sia' polajari.

Lukas 10:1

Lopas nian Tuhatn Yesus momilih tujuh puluh murid inyo bukai. Sio moutus sia' duo-duo urakng mondoholu'i Sio ko somuo kota ongko tompat inyo paca'an didataki-Nyo dalapm pojalatan ko kota Yerusalem.

Lukas 10:20

Apo lobih boi' jangan sangant rindakng obai boko roh jahat monaati kaitn. Ado alasan inyo lobih pontikng pakai' rindakng nantai obai damo kaitn udah totulis di sorugo.”

Lukas 10:9

Nyamani boko urakng inyo boponyakit di kota nantai. Pandiran ko boko urakng di santai, ‘Ni'innam watunyo Allah monjadi Rajo pakai' kaitn.’

Lukas 9:1

Pas ari nantai, Yesus mongumpulan koduo bolas murid-Nyo. Sio moonji'i kuaso ko sia' pakai' monundukng boko roh jahat huatan monyamani boko ponyakit.

Roma 16:20

Allah inyo moonji'i sonang-nyamanam tajahan copat molonyapan kuaso Rajo Sitatn inyo molawatn kaitn. Aku bodoa oca' Yesus, Tuhatn kito, hala monunju'an kasih-Nyo ko kaitn.

Efesus 5:24

Obai nantai dalapm somuo hal bini gola' mohormati lakinyo samo sama'an boko urakng pocayo mohormati Kristus.