Lukas 10:11 - Porjanjian Boharu Torjomahan Baso Dilakng Soari-ari

¹¹ ‘Koi tinggalan kota kaitn ni'in, sampai dobu inyo botangkil di kaki koi, koi borosihi! Nian pakai' momporingant'i kaitn tajahan dihukupm Allah obai monula' koi! Apo kotohu'icam ni'in: Allah paca'an monjadi Rajo pakai' kaitn!’

Lukas 10:11 ပူးပေါင်းရင်းမြစ်များ

Matius 10:14

Aman ado urakng inyo kinyo monorima' kaitn damo kinyo honda' mondinga' pomandiran kaitn mongona'i Kabar Boi', koluarcam doi' rumah damo kota nantai. Tinggalancam sia'. Tata'cam dobu doi' kaki kaitn sobagai poringant'an hukupan pakai' sia'.

Matius 10:7

Boritoancam ko sia' nantai: Koraja'an Sorugo udah dampikam.

Matius 3:2

“Koraja'an Sorugo udah dampikam! Jadi, botongga'cam kaitn bulah dosa ongko kaitn monyonangan hati Allah.”

Markus 6:11

Apo aman kaitn kinyo ditorima' boko urakng di sobuah laman, aman sia' co honda' mondinga'an kaitn, koluar ja'am doi' laman nantai. Tata'an dobu doi' kaki kaitn pakai' momporingant'i sia'.”

Lukas 10:10

Apo aman kaitn kinyo ditorima' di sobuah kota, botula'cam ko boko jalatn di kota nantai oca' boko urakng ulih bondinga'an. Pandirancam,

Lukas 10:9

Nyamani boko urakng inyo boponyakit di kota nantai. Pandiran ko boko urakng di santai, ‘Ni'innam watunyo Allah monjadi Rajo pakai' kaitn.’

Lukas 9:5

Apo aman kaitn ditula' boko urakng disobuah kota, koluar ja'am doi' kota nian. Borosihi jam dobu doi' tampo kaki kaitn. Nian pakai' momporingant'i sia' inyo tajahan dihukupm Allah, obai monula' posatn mongonaꞌi Koraja'an Allah inyo kaitn sampaian.”

Kisah Boko Rasul 13:26

Boko somadikan koturutan Abrahapm, huatan boko urakng bukainyo urakng Yahudi udah pocayo agatn Allah: Yesus mombuka' jalatn oca' urakng ulih disolamant'an doi' hukupan dosa. Borito nantai udah disampaian ko kito somuo!

Kisah Boko Rasul 13:40

Apo, bobo'i cam oca' Allah co mohukupm kaitn. Allah udah moingant'an kaitn molalu'i inyo ditulis boko nabi. Dinga' ni'in bunyinyo,

Kisah Boko Rasul 13:46

Apo Paulus ongko Barnabas kinyo gola'. Sia' bopandir, “Yesus moutus koi pakai' monyampaian Kabar Boi' mongona'i Sio. Koi gola' monyampaian lobih doholu ko kaitn, boko urakng Yahudi. Apo kaitn co honda' monorima' nantai. Rotinyo, kaitn kinyo moanggap diri cucu' monorima' hidup somanah-manahnyo. Obai nantai, ni'inan koi moninggalan kaitn ongko botula' molayati boko banso inyo bukainyo urakng Yahudi.

Kisah Boko Rasul 13:51

Apo Paulus ongko Barnabas mongibasan dobu doi' kaki sia'. Niannam tando poringant'an ko pondudu' kota nantai obai Allah paca'an mohukupm sia'. Lopas nantai, Paulus ongko Barnabas botula' ko kota Ikonium.

Roma 10:21

Apo mongona'i banso Israel, nabi Yesaya momadahan pomandiran Allah ni'in: “Siakng-malapm Aku udah mombaba' banso nantai pakai' bobali' monyonangan hati-Ku. Apo sia' co taat ongko ongkah molawatn Aku am.”

Roma 10:8

Masudnyo ia'an sama'an ni'in. “Pomandiran Allah nantai dampikng bondar agatn kolai. Di nyao huatan di dalapm hati kolai.” Nantai am pomandiran Allah inyo koi boritoan ia'an obai urakng gola' pocayo.

Ibrani 1:3

Sio momancaran komulia'an Allah. Sio nam gambar inyo nyata doi' diri Allah siku'. Somuo hal totap botahatn doi' pomandiran-Nyo inyo bokuaso. Lopas Sio mati oca' monsio ulih diborosihi doi' boko dosa, lalu Sio noi' ko sorugo ongko dudu' di tompat inyo tohormat di sopia' kanan Allah inyo kotakng bokuaso.