Lukas 10:1 - Porjanjian Boharu Torjomahan Baso Dilakng Soari-ari

¹ Lopas nian Tuhatn Yesus momilih tujuh puluh murid inyo bukai. Sio moutus sia' duo-duo urakng mondoholu'i Sio ko somuo kota ongko tompat inyo paca'an didataki-Nyo dalapm pojalatan ko kota Yerusalem.

Lukas 10:1 ပူးပေါင်းရင်းမြစ်များ

Lukas 1:17

Io paca'an ado sipat ongko kuaso samaꞌan Nabi Elia komai. Io paca'an datakng sobolupm kodatakan Tuhatn. Io paca'an mongomboi'i hubukan antaro urakng tuho agatn ana'nyo. Urakng inyo kinyo taat paca'an dipimpitnnyo ko jalatn inyo bondar, oca' monjadi taat agatn porintah Allah. Jadi ubo nian jam, io paca'an momposiapan hati boko urakng inyo siap hidup agatn caro inyo sosuai agatn kohonda' Tuhatn. Oca' siaꞌ udah siap pakai' monorima' Tuhatn.”

Lukas 1:76

Lopas nantai Zakharia bopandir ko ana'nyo, “Ana'ku kolai tajahan disobut nabi inyo diutus Allah Inyo Maho Tinggi. Kolai tajahan mondoholu'i Tuhatn pakai' monyiap'an hati urakng oca' siap monorima' Sio.

Lukas 7:13

Watu Yesus moniant botina' balu nantai, Sio mooso kotakan kasih. Yesus bopandir ko botina' balu nantai, “Jadi am monangis indai.”

Lukas 7:19

Ongko Yohanes moningkau duo urakng muridnyo, huatan monyiuh sia' botula' monomu'i Tuhatn Yesus pakai' botakutn ko Sio, “Apobai Duatn ninam kila'an Rajo Inyo Dijanjian Allah, kata'an koi gola' ija' monanti kodatakan urakng bukai?”

Lukas 9:52

Lalu, Sio monyiuh boboropo utusan botula' mondoholu'i Sio. Boko utusan nantai botula' ko sobuah laman di doerah Samaria oca' momposiapan kodatakan-Nyo.