Lukas 1:78 - Porjanjian Boharu Torjomahan Baso Dilakng Soari-ari

^78-79 Somuonyo nian tajahan tojadi obai Allah kito onsi' ongko kotakng kasih. Urakng inyo bolupm mongonal Allah, samo sama'an urakng inyo tongahan di dalapm potakng, inyo mooso gola' agatn pomati Apo samo samaꞌan matoari hoyu' moncara' ongko monoraki potakng nantai, Rajo Inyo Dijanjian Allah datakng doi' sorugo monjolasan caro hidup inyo monyonangan hati Allah. Moarahan kito oca' hidup agatn damai.”

Lukas 1:78 ပူးပေါင်းရင်းမြစ်များ

Yohanes 3:16

Obai, Allah kotakng mongasihi boko urakng di dunia ni'in. Sampai, Sio udah monyorahan Ana'-Nyo inyo tunggal. Allah molabuhan nantai, oca' somuo urakng inyo pocayo ko Ana'-Nyo, sia' co bonaso di noraka, apo sia' dapat hidup somanah-manahnyo di sorugo.

Efesus 5:14

Nantaiam sobabnyo ado pomandiran ni'in, “Oi kulo inyo tidu', huascam! Kulo inyo mati, bobali' hidup cam! Kristus paca'an bosinar ko kulo.”

Filipi 1:8

Jadi, Allah tohu obai aku togonangan kaitn somuo obai aku mongasihi kaitn samo sama'an Kristus Yesus mongasihi kaitn.

Filipi 2:1

Jadi, hati kaitn ulih dikuatan obai kaitn di dalapm Kristus. Kaitn ulih dihibur obai ado kasih di dalapm Kristus. Kaitn ulih hidup bosatu agatn Roh Allah. Kaitn ulih hala mongasihi ongko hala onju'-bori' agatn siku'-monyiku'.

Kolose 3:12

Obai nantai, hidupcam agatn caro inyo boharu. Kaitn nantai boko urakng inyo dipilih Allah, pakai' umputn Sio inyo husus huatan dikasihi-Nyo. Jadi, jadicam urakng inyo mongasihi, boi' hati, rondah hati, lomah-lombut, huatan sabar.

2 Petrus 1:19

Obai nantai, koi monjadi lobih yakitn agi' obai pomandiran boko nabi mongona'i Kristus bondar. Soboi'nyo kaitn pan gola' mondinga'an pomandiran boko nabi. Pomandiran nantai paca'an mombimbikng kaitn ko jalatn inyo bondar samo sama'an cohayo pompolitoan di tompat inyo potakng, sampai matoari moncara' ongko bintakng timur, ia'an Kristus, bosinar dalapm hati kaitn.

1 Yohanes 3:17

Sopo pan inyo hidupnyo dampu, huatan io pan moniant somadikannyo jaro uyuh, apo io co honda' monulukng urakng nantai, ubo apo kasih Allah ado dalapm dirinyo!

Wahyu 22:16

Yesus bopandir, “Aku udah moutus molekat-Ku pakai' momadahannyo ko kaitn mongona'i somuonyo ni'in. Nantai pakai' kopontikan boko jomaat. Aku ninam Koturutan doi' Rajo Daud. Aku ia'an Bintakng Timur inyo torakng nantai.”