Lukas 1:77 - Porjanjian Boharu Torjomahan Baso Dilakng Soari-ari

⁷⁷ Kolai tajahan molabuhan nantai oca' moonji'i pongorotian ko umant Sio, siaꞌ tajahan disolamant'an obai boko dosa siaꞌ diamputi.

Lukas 1:77 ပူးပေါင်းရင်းမြစ်များ

Lukas 3:3

Huatan Yohanes botula' ko mono-mono di soluruh doerah sungai Yordan ongko monyampaian borito doi' Allah. Yohanes mondongkakng-mondorah, “Botongga'cam bulah dosa oca' monyonangan hati Allah ongko onju'cam diri kaitn dibaptis oca' Allah moamputi dosa kaitn.”

Lukas 3:6

Ongko boko urakng tajahan moniant kosolamant'an inyo datakng doi' Allah.’ ”

Yohanes 1:29

Kohobu'annyo, Yohanes moniant Yesus datakng ko io. Yohanes bopandir, “Tiat! Numbo, Ana' Domba inyo diutus Allah oca' mohapus dosa dunia.

Yohanes 1:34

Huatan watu ni'in, aku udah moniant nantai tojadi. Aku moonji'i kosasian, ‘Urakng ninam Ana' Allah!’ ”

Kisah Boko Rasul 10:43

Pado joman komai, boko nabi jam momadahan mongona'i Sio obai sia' monulis mongona'i Sio, ia'an Rajo Inyo Dijanjian Allah. Sia' monulis obai Sio ado kuaso pakai' moamputi boko dosa somuo urakng inyo pocayo agatn Sio.”

Kisah Boko Rasul 19:4

Ongko, Paulus monjolasan. Katonyo, “Yohanes mombaptis boko urakng sobagai tando obai sia' udah moninggalan boko dosa sia'. Yohanes jam momboritoan obai paca'an ado Urakng inyo datakng lopas io. Yohanes bopandir obai boko urakng gola' pocayo agatn Urakng nantai. Urakng nantai ia'an Yesus.”

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

Kisah Boko Rasul 5:31

Yesus udah noi' ko sorugo ongko dudu' di tompat inyo kotakan tohormat di sopia' kanan Allah. Allah moonji'i kuaso ko Yesus pakai' momimpitn ongko monyolamant'an urakng. Allah molabuhan nantai oca' kito urakng Israel mondapat kosompatan pakai' diamputi, ia'an aman kito botongga' bulah dosa ongko monuruti Allah.

Roma 3:25

Sio mombayar agatn darah-Nyo siku' timpu Sio mati di kayu salib. Sio monjadi kurbatn oca' dosa urakng ulih diamputi, ia'an aman sia' pocayo ko Sio. Allah monyorahan Yesus sama'an nantai pakai' monunju'an obai Sio adil huatan mohukupm dosa. Komai, Allah sabar agatn monsio. Sio bolupm mohukupm somuo dosa sia'.

Efesus 1:7

Watu Ana'-Nyo mati di kayu salib, Sio mombayar agatn darah-Nyo pakai' mombebasan kito doi' hukupan dosa. Jadi, molalu'i Ana'-Nyo, Allah moamputi dosa kito. Allah molabuhan somuonyo nantai obai kasih karunia-Nyo inyo kotakng bosar.