Lukas 1:76 - Porjanjian Boharu Torjomahan Baso Dilakng Soari-ari

⁷⁶ Lopas nantai Zakharia bopandir ko ana'nyo, “Ana'ku kolai tajahan disobut nabi inyo diutus Allah Inyo Maho Tinggi. Kolai tajahan mondoholu'i Tuhatn pakai' monyiap'an hati urakng oca' siap monorima' Sio.

Lukas 1:76 ပူးပေါင်းရင်းမြစ်များ

Yohanes 1:23

Katonyo, “Watu joman komai Nabi Yesaya bopandir mongona'i urakng inyo tajahan datakng sobolupm Rajo Inyo Dijanjian Allah. Aku ninam urakng inyo mondorah di padakng pasir, ‘Bujurancam jalatn pakai' Tuhatn!’ ”

Matius 14:5

Sobondarnya Herodes honda' mombunuh Yohanes, apo io gola' agatn boko urakng. Obai, sia' moanggap Yohanes ia'an siku' nabi.

Matius 3:3

Yohanes ninam inyo joman komai nabi Yesaya padahan watu io bopandir: “Ado urakng inyo mondongkakng-mondorah di padakng pasir, ‘Sodia'ancam jalatn pakai' Tuhatn. Bujurancam jalatn pakai' Sio’ ”.

Kisah Boko Rasul 16:17

Botina' nantai hala bojalatn di bolikat koi agatn Paulus, kapikng mondongkakng-mondorah. Katonyo, “Boko urakng ni'in Polayatn Allah inyo Maho Tinggi! Sia' momboritoan ko kito mongona'i jalatn kosolamant'an!”

Lukas 1:35

Timbas Molekat nantai ko Maria: “Roh Allah tajahan datakng ko kolai. Kuaso Allah molinduki kolai. Obai nian, Ana' inyo kolai lahiran nantai disobut Kudus, Ana' Allah.

Lukas 1:32

Io paca'an monjadi urakng inyo bokuaso, ongko disobut Ana' Allah Inyo Maho Tinggi. Tuhatn Allah tajahan monjadian-Nyo rajo samaꞌan Rajo Daud, angki-bayatn-Nyo.

Markus 11:32

Apo kito pan culih bopandir, ‘Bayo monsio inyo moonji'i kuaso nantai ko Io.’ ” (Boko pomimpitn nantai gola' agatn urakng banya', obai urakng banya' nantai pocayo Yohanes nantai nabi Allah.)

Yohanes 3:28

Kaitn udah mondinga' aku bopandir, ‘Aku bukainyo Rajo Ponyolamant. Aku diutus mondoholu'i Sio.’

Yohanes 1:27

Ia'an, Sio inyo datakng lopas aku. Aku sikuꞌ kinyo cucu' pakai' mombuka' tali sandal-Nyo.”

Lukas 6:35

Jadi kaitn sobondarnyo gola' mongasihi musuh. Huatan bulah koboi'an agatn sia'. Jadi pinjapan ko sia' apo co momikiran pomulakannyo. Aman kaitn udah molabuhan ubo nian, kaitn tajahan mondapat upah, inyo bosar ongko monjadi Ana' Allah Inyo Maho Tinggi. Obai Sio totap mongasihi urakng inyo kinyo tohu agatn botorima' kasih, samaꞌan nian jam agatn urakng jahat.

Matius 21:26

Apo aman kito bopandir, ‘Bayo monsio inyo’ moonji'i kuaso nantai ko io kito gola' agatn urakng banya' ni'in, obai sia' pocayo Yohanes ia'an nabi inyo dionji'i kuaso doi' Allah.”

Matius 3:11

Ado Urakng inyo paca'an datakng lopas aku. Sio lobih bokuaso daripadoku. Malahan monjadi hulutn-Nyo inyo palikng babah pan, aku kinyo cucu'. Aku mombaptis urakng agatn ara'i pakai' monunju'an obai sia' udah botongga' bulah dosa huatan monyonangan hati Allah. Apo Sio paca'an mombaptis urakng agatn Roh Allah ongko api.