Lukas 1:75 - Porjanjian Boharu Torjomahan Baso Dilakng Soari-ari

⁷⁵ monyombah Sio huatan hala monjouhan diri doi' dosa, ongko molabuhan hal inyo boi' di hadapan Tuhatn, soumur hidup kito.”

Lukas 1:75 ပူးပေါင်းရင်းမြစ်များ

Matius 1:21

Maria paca'an boana'an siku' bobia' lolaki. Kolai gola' mondamo'i-Nyo, Yesus, obai Io monyolamant'an umant-Nyo doi' boko dosa sia'.”

Efesus 1:4

Obai, sobolupm Allah mombulah dunia ni'in, Sio udah momilih kito monjadi umat-Nyo dalapm Kristus. Tujuan-Nyo oca' kito monjadi borosih, co bodosa di hadapan-Nyo.

Efesus 2:10

Obai kito ni'in pulahan Allah huatan molalu'i Kristus, Allah mombulah kito oca' kito molabuhan boko hal inyo boi', ia'an boko pokoroja'an inyo udah Sio siap'an sobolupmnyo pakai' kito.

Efesus 4:24

oca' kaitn hidup agatn caro inyo boharu, ia'an kohidupan inyo dionju' Allah oca' kaitn mongkitn samo sama'an Sio. Masudnyo, kaitn bondar-bondar hidup bondar dihadapan-Nyo huatan hidup borosih doi' dosa.

1 Tesalonika 4:1

Solanjutnyo, boko somadikan, komai watu koi bosamo agatn kaitn, koi udah mongajar kaitn. Koi mongajar kaitn mongona'i caro hidup inyo monyonangan Allah. Memang kaitn udah mula'i hidup agatn caro nantai. Kaitn udah mongotohu'i obai Tuhatn Yesus moonji'i kuaso ko koi pakai' mongajar sama'an nantai. Obai nantai, ni'in koi kinyo bayo mombaba' apo koi monyosahan kaitn: Hidup pakai' monyonangan Allah lobih somombondarannyo.

1 Tesalonika 4:7

Allah kinyo moningkau kito pakai' hidup dalapm dosa molaki-mbini bolupm dipojadi. Sio moningkau kito oca' kito hidup mongkitn suci.

2 Tesalonika 2:13

Apo, boko somadikan, Tuhatn mongasihi kaitn. Koi bosukur ko Allah obai kaitn. Cucu' koi bosukur obai Allah momilih kaitn. Doi' mulonyo, Allah momilih kaitn oca' kaitn disolamant'an. Koi momboritoan Kabar Boi' inyo bondar ko kaitn. Ongko kaitn pocayo borito nantai. Roh Allah jam hala bulah kaitn mongkitn suci. Nianam caro kaitn ditingkau ongko disolamant'an oca' kaitn bodapat bagian doi' kohormatan Yesus Kristus, Tuhatn kito.

2 Timotius 1:9

Allah udah monyolamant'an huatan momilih kito, oca' kito hidup husus pakai' Sio. Sio molabuhan nantai bukainyo obai kito udah bulah koboi'an. Apo obai nantai udah hajat huatan koboi'an-Nyo. Koboi'an nantai Sio onju' molalu'i Kristus Yesus sobolupm dunia ni'in dipulah.