Lukas 1:53 - Porjanjian Boharu Torjomahan Baso Dilakng Soari-ari

⁵³ Urakng inyo kolaparan, Sio kosihan agatn koboi'an. Apo urakng dampu, Sio tundukng huatan co dionji'i la'apo pan.

Lukas 1:53 ပူးပေါင်းရင်းမြစ်များ

Matius 5:6

Diborokaticam urakng inyo kotakan rindu hidup bondar di hadapan Allah. Sia' diborokati obai sia' paca'an tokosih nononyo.

Lukas 1:54

Allah bojanji agatn Abrahapm ongko koturutannyo. Janji nantai totap topakai somanah-manahnyo. Allah kinyo tongkolupatn agatn janji Sio ko angki-bayatn kito. Sio totap monopat'i janji Sio ko kito. Allah moingant pakai' monulukng koturutan Abrahapm inyo molayati Sio, huatan Allah tajahan molabuhan nantai somanah-manahnyo.”

Lukas 6:21

Diborokati kaitn bayakan kolaparan watu ni'in, obai kaitn paca'an dikonyangan nononyo! Diborokati kaitn inyo monangis watu ni'in, obai kaitn tajahan rindakng totao nononyo!

Lukas 6:24

Apo Allah tajahan mohukupm kaitn bayakan inyo dampu watu ni'in, obai kaitn udah mooso'i sonang-nyamanam di dunia ni'in.

Yohanes 6:35

Kato Yesus ko sia', “Aku ninam roti inyo moonji'i hidup. Somuo urakng inyo datakng ko aku, co kalo kolaparan agi'. Somuo urakng inyo pocayo ko aku, co kalo korahakan agi'.

1 Korintus 1:26

Boko somadikan, pikirancam mongona'i koadaan kaitn timpu kaitn ditingkau pakai' monjadi urakng pocayo. Kinyo banya' doi' antaro kaitn inyo dianggap urakng pandai monurut monsio. Kinyo banya' doi' antaro kaitn inyo dianggap urakng bopongaruh. Kinyo banya' doi' antaro kaitn inyo dianggap urakng pontikng.

1 Korintus 4:8

Kaitn bopikir kaitn kinyo pontikng apa'-apo agi'. Kaitn bopikir kaitn udah monjadi dampu. Kaitn botingkah sama'an kaitn udah monjadi boko rajo tanpa koi. Sonang bondar aman kaitn memang udah monjadi boko rajo. Ongko, koi pan ulih momorintah bosamo agatn kaitn.