Lukas 1:51 - Porjanjian Boharu Torjomahan Baso Dilakng Soari-ari

⁵¹ Sio moniant'an kuaso Sio agatn porbuatan inyo luar biaso. Ia'an pan, boko urakng inyo buhau tajahan rari conontu-arah.

Lukas 1:51 ပူးပေါင်းရင်းမြစ်များ

Roma 1:21

Sia' mongotohu'i mongona'i Allah, apo sia' kinyo momuliaan Sio sobagai Allah. Sia' pan co moucap sukur ko Sio. Sobali'nyo, pomikiran sia' monjadi pocumo. Hati sia' inyo budu monjadi potakng sampai kinyo ulih mongoroti mongona'i Allah.

2 Korintus 10:5

Musuh koi mombaba' ajaran inyo salah. Apo, koi mongalahan somuo nantai. Urakng inyo buhau bulah pagar inyo kotakan tinggi inyo mohalaki monsio mongonal Allah. Apo koi morobahan somuo nantai. Urakng ado pikiraninyo kinyo boi'. Apo, koi monangkap somuo pikiran nantai ongko mongajar oca' monsio monaati Kristus.

1 Petrus 5:5

Ubo nian jam, kaitn inyo muda': Kaitn gola' tundu' ko boko urakng inyo lobih tuho. Kaitn somuo gola' rondah hati hala molayati inyo bukai. Obai, pomandiran ni'in udah totulis di Buku Suci: “Allah molawatn urakng inyo buhau. Apo Sio monunju'an koboi'an-Nyo ko urakng inyo boi' hati.”

Wahyu 18:8

Obai nantaiam, Tuhatn Allah mohakipi io. Somuo malopotako paca'an moninggakng io dalapm soari mo, ia'an io paca'an kona' poranggapan ongko bulikng huatan kolaparan. Io jam paca'an dibonasoan agatn api. Somuo nantai paca'an tojadi obai Tuhatn Allah inyo mohakipi io kotakng bokuaso.”