Lukas 1:41 - Porjanjian Boharu Torjomahan Baso Dilakng Soari-ari

⁴¹ Timpu Elizabet mondingaꞌ salapm nantai, ana' inyo di dalapm porut Elizabet morunjakng. Roh Allah momonuhi Elizabet.

Lukas 1:41 ပူးပေါင်းရင်းမြစ်များ

Lukas 1:15

Siaꞌ rindakng obai bobia' nantai paca'an monjadi urakng pontikng di hadapan Tuhatn Allah. Io co ulih minum anggur damo mominum tua' samo sokali. Kuaso Roh Allah paca'an hala momonuhi io ija' tangga'i dalapm porut indainyo.

Lukas 1:40

Maria mansu' ko rumah Zakharia huatan monyampaian salapm ko Elizabet.

Lukas 1:42

Obai nianam, Elizabet monimbasi agatn ponuh somangant, “Diborokati kolai doi' somuo botina' bukai. Diborokati ana' inyo di dalapm porut kolai.

Lukas 1:44

Aku udah mongotohu'inyo obai timpu mondingaꞌ salapm kolai, ana' dalapm porutku morunjakng koporindakan.

Lukas 1:67

Lopas nantai, Roh Allah momonuhi Zakharia, Bopai bobia' nantai. Obai nianam, Zakharia monyampaian posatn Allah mongonaꞌi la'apo inyo tajahan tojadi.

Lukas 4:1

Yesus moninggalan sungai Yordan tompat Sio dibaptis. Roh Allah ado di dalapm diri Sio, moirikan Sio ko padakng pasir.

Kisah Boko Rasul 2:4

Roh Allah moisi'i somuo sia', ongko bulah sia' masikng-masikng bopandir pakai boko baso inyo bukai mombuka'i doi' baso sia' siku'.

Kisah Boko Rasul 4:8

Lopas nian, Roh Allah monguaso'i Petrus. Kato io, “Boko Totuho pomimpitn banso huatan agama.

Kisah Boko Rasul 6:3

Jadi boko somadikan, pilihcam tujuh urakng doi' antaro kaitn. Kotujuh urakng nantai gola' dikonal sobagai urakng inyo pintar-corodi' agatn boi' hati. Roh Allah gola' ado pado sia' nantai jam. Koi paca'an monyorahan polayatan ni'in ko sia'. Sia' nanam inyo mombagian pomakatn sotiap arinyo.

Kisah Boko Rasul 7:55

Apo watu nantai Roh Allah ado pado Stefanus. Io monongadah ko langit, moniant cohayo doi' Allah. Io moniant Yesus tongahan bodiritn di tompat inyo palikng tohormat, ia'an di sopia' kanan Allah.

Kisah Boko Rasul 9:17

Jadi, Ananias botula' ko rumah Yudas nantai. Sopondatakngnyo di rumah Yudas, io mansu' ongko monomu'i Saulus. Io molota'an jarinyo ko Saulus kapikng bopandir, “Saulus, Somadikanku, Tuhatn Yesus moutus aku ko kolai. Sio niannam inyo kolai tiat dalapm pojalatan kolai ko si'itn. Sio moutus aku oca' kolai ulih moniant agi' huatan oca' kolai diponuhi Roh Allah.”

Efesus 5:18

Jangan kaitn mabu' obai anggur, obai urakng mabu' kinyo ulih monahan kohonda' bukakng-tubuhnyo. Apo kaitn gola' moikuti Roh Allah,

Wahyu 1:10

Watu ari Tuhatn, aku dikuaso'i ulih Roh Allah. Timpu nantai, aku mondinga' saro inyo kotakan borakng samo sama'an bunyi trompet.