Lukas 1:35 - Porjanjian Boharu Torjomahan Baso Dilakng Soari-ari

³⁵ Timbas Molekat nantai ko Maria: “Roh Allah tajahan datakng ko kolai. Kuaso Allah molinduki kolai. Obai nian, Ana' inyo kolai lahiran nantai disobut Kudus, Ana' Allah.

Lukas 1:35 ပူးပေါင်းရင်းမြစ်များ

Matius 1:18

Kolahiran Yesus Kristus, Rajo Inyo Dijanjian Allah nantai, tojadi dinga' ni'in: Maria nantaiam indai Yesus. Sobolupm nantai, io botunangan agatn Yusuf. Apo sobolupm sia' kawitn, ruponyo Maria udah buntikan. Nantai tojadi obai kuaso Roh Allah.

Matius 1:20

Apo timpu Yusuf tongahan momikiran hal nantai, datakam molekat Tuhatn Allah ko io dalapm mimpi. Molekat nantai bopandir, “Yusuf, koturutan Rajo Daud, jangan gola' monguti' Maria pakai' monjadi bini kolai. Obai, kuaso Roh Allah inyo bulah Maria buntikan.

Matius 14:33

Somuo urakng inyo ado di porohu nantai monyombah Sio. Kato sia', “Duatn bondar-bondar Ana' Allah!”

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Matius 4:3

Ongko Rajo Sitatn, tukakng tumbukan nantai, datakng ko Yesus. Rajo Sitatn bopandir ko Sio, “Aman Duatn bondar-bondar Ana' Allah, pulahbo batu ni'in monjadi roti.”

Markus 1:1

Ninam Kabar Boi' mongona'i Yesus Kristus, Ana' Allah.

Markus 1:24

“Ih! Yesus, urakng doi' laman Nazaret, Duatn honda' bulah lapo agatn koi? Aku tohu Duatn Inyo Suci doi' Allah! Kata'an Duatn datakng pakai' mombonasoan koi ni'in bai?”

Lukas 1:27

Molekat Gabriel disiuh Allah monomu'i sikuꞌ botina' daro, damonyo Maria. Maria nantai botunangan agatn Yusuf, koturutan Rajo Daud.

Lukas 1:34

Kato Maria ko molekat nantai, “Sama'an la'apo somuo nian sampai tojadi, sodakan aku ni'inan ija' daro?”

Lukas 1:36

Dinga' bo: pomili kolai Elizabet biar pan io udah tuho, apo watu ni'in tongahannyo buntikan onam bulatn. Komai boko urakng bopandir io manang apo ni'in io paca'an boana'.

Yohanes 1:34

Huatan watu ni'in, aku udah moniant nantai tojadi. Aku moonji'i kosasian, ‘Urakng ninam Ana' Allah!’ ”

Yohanes 1:49

Kato Natanael ko Sio, “Wah, Guru! Pasti, Duatn ninam Ana' Allah! Duatn ninam Rajo urakng Israel!”

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Kisah Boko Rasul 8:36

Dalapm pojalatan, sia' molalu'i tompat inyo ado ara'i. Pojabat nantai bopandir, “Tiat, di si'itn ado ara'i. Tulukng duatn mombaptis aku.” [

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

Efesus 2:3

Sobondarnyo, komai kito somuo hidup agatn caro inyo sama'an nantai am. Kito monjumpati boko kohonda' bukakng-tubuh kito. Kito hidup sosuai agatn pikiran huatan kohonda' kito siku'. Porangai kito ia'an porangai boko urakng inyo soharusnyo dihukupm Allah samo sama'an boko urakng bukai.

Ibrani 4:15

Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.