Lukas 1:32 - Porjanjian Boharu Torjomahan Baso Dilakng Soari-ari

³² Io paca'an monjadi urakng inyo bokuaso, ongko disobut Ana' Allah Inyo Maho Tinggi. Tuhatn Allah tajahan monjadian-Nyo rajo samaꞌan Rajo Daud, angki-bayatn-Nyo.

Lukas 1:32 ပူးပေါင်းရင်းမြစ်များ

Matius 1:1

Ni'innam koturutan angki-bayatn Yesus, Rajo Inyo Dijanjian Allah, Rajo inyo kito sobut ‘Kristus’. Yesus nantai koturutan Rajo Daud, huatan koturutan Abrahapm jam. Koturutannyo ia'an:

Matius 12:42

Watu Ari Ponghakipan nononyo, ratu doi' nogori Syeba di doerah Solatatn pan paca'an bobali' hidup huatan mohakipi boko urakng di joman ni'in. Obai, joman komai ratu nantai datakng doi' hujukng bumi pakai' mondinga'an pomandiran pintar-corodi' doi' Rajo Salomo. Apo ni'in ado inyo lobih bokuaso daripado Rajo Salomo.”

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.

Matius 3:11

Ado Urakng inyo paca'an datakng lopas aku. Sio lobih bokuaso daripadoku. Malahan monjadi hulutn-Nyo inyo palikng babah pan, aku kinyo cucu'. Aku mombaptis urakng agatn ara'i pakai' monunju'an obai sia' udah botongga' bulah dosa huatan monyonangan hati Allah. Apo Sio paca'an mombaptis urakng agatn Roh Allah ongko api.

Markus 14:61

Apo Yesus kinyo bobunyi. Sio kinyo monimbas samo sokali. Imam Agukng nantai botakutn agi', “Apo bai Kolai Rajo Inyo Dijanjian Allah inyo kito sobut ‘Mesias’? Apo bai Kolai Ana' doi' Allah inyo Topuji?”

Markus 5:7

Yesus bopandir, “Oi, roh jahat! Koluar doi' urakng ni'in!” Jadi, roh jahat nantai mondorah kotakan borakng, “Oi Yesus, Ana' Allah Inyo Maho Tinggi! Duatn honda' bulah lapo agatn aku? Aku muhun jangan monyisa aku!”

Lukas 1:15

Siaꞌ rindakng obai bobia' nantai paca'an monjadi urakng pontikng di hadapan Tuhatn Allah. Io co ulih minum anggur damo mominum tua' samo sokali. Kuaso Roh Allah paca'an hala momonuhi io ija' tangga'i dalapm porut indainyo.

Lukas 1:35

Timbas Molekat nantai ko Maria: “Roh Allah tajahan datakng ko kolai. Kuaso Allah molinduki kolai. Obai nian, Ana' inyo kolai lahiran nantai disobut Kudus, Ana' Allah.

Lukas 1:76

Lopas nantai Zakharia bopandir ko ana'nyo, “Ana'ku kolai tajahan disobut nabi inyo diutus Allah Inyo Maho Tinggi. Kolai tajahan mondoholu'i Tuhatn pakai' monyiap'an hati urakng oca' siap monorima' Sio.

Lukas 3:16

Yohanes monimbas, “Aku bukainyo Rajo Inyo Dijanjian Allah. Apo kinyo manah agi' Sio tajahan datakng. Sio lobih bokuaso tangga'i Aku. Monjadi hulutn-Nyo inyo kotakng babah pan, aku co cucu'. Aku ongkah mombaptis urakng agatn ara'i. Apo Sio tajahan mombaptis urakng agatn Roh Allah huatan agatn api.

Lukas 6:35

Jadi kaitn sobondarnyo gola' mongasihi musuh. Huatan bulah koboi'an agatn sia'. Jadi pinjapan ko sia' apo co momikiran pomulakannyo. Aman kaitn udah molabuhan ubo nian, kaitn tajahan mondapat upah, inyo bosar ongko monjadi Ana' Allah Inyo Maho Tinggi. Obai Sio totap mongasihi urakng inyo kinyo tohu agatn botorima' kasih, samaꞌan nian jam agatn urakng jahat.

Yohanes 12:34

Urakng banya' nantai bopandir, “Hukupm Torat mongatoan obai Kristus, Rajo Inyo Dijanjian Allah, paca'an totap hidup kokal. Jadi, sama'an lapo Duatn mongatoan obai Ana' Monsio paca'an diangkat doi' bumi? Sopo Ana' Monsio nantai?”

Yohanes 6:69

Koi pocayo huatan mongotohu'i obai Duatn nianam Inyo Suci doi' Allah!”

Kisah Boko Rasul 16:17

Botina' nantai hala bojalatn di bolikat koi agatn Paulus, kapikng mondongkakng-mondorah. Katonyo, “Boko urakng ni'in Polayatn Allah inyo Maho Tinggi! Sia' momboritoan ko kito mongona'i jalatn kosolamant'an!”

Kisah Boko Rasul 2:30

Apo io nantai nabi. Io udah mongotohu'i la'apo inyo paca'an tojadi. Io ado janji doi' Allah. Janji nantai kuat bondar. Ni'innam janji-Nyo: siku' urakng doi' koturutan Daud paca'an monjadi rajo. Rajo nantai paca'an momorintah umant Allah.

Kisah Boko Rasul 2:36

Ongko Petrus monyimpulan, Obai somuo buti nantai, ongko somuo urakng Israel gola' tohu ni'in agatn pasti: Allah monotap'an Yesus monjadi Tuhatn inyo bokuaso. Allah jam monotap'an Yesus monjadi Kristus, ia'an golar pakai' Rajo Inyo Udah Dijanjian Allah doi' joman komai. Apo kaitn bulah Sio dihukupm mati di kayu salib.”

Kisah Boko Rasul 7:48

Apo Allah Inyo Maho Tinggi kinyo bodiapm di dalapm rumah inyo dipulah ulih tunju'-jari monsio. Sama'an pandir Allah inyo disampaian ulih siku' urakng nabi,

Wahyu 3:7

“Tuliscam pandir ni'in ko molekat inyo monjago jomaat di Filadelfia: Pomandiran ni'in doi' Sio, Inyo Kudus, Inyo Bondar, inyo monjujut kunci Rajo Daud, ia'an kunci pakai' mansu' Koraja'an Allah. Aman Sio mombuka' lawakngnyo, conyiant ado siku' urakng pan inyo ulih monutupnyo. Aman Sio monutup lawakngnyo, conyiant ado siku' urakng pan inyo ulih mombuka'nyo.