Lukas 1:22 - Porjanjian Boharu Torjomahan Baso Dilakng Soari-ari

²² Koponsuahannyo, Zakharia koluar, apo kinyo bopandir ko siaꞌ. Io ongkah momakai kode am pakai' bopandir obai io bisu. Ongko siaꞌ tohu io udah moniant suatu poniant'an di dalapm Rumah Allah.

Lukas 1:22 ပူးပေါင်းရင်းမြစ်များ

Lukas 1:21

Timpu nantai, urakng banyaꞌ tontai tongahan monantian Zakharia koluar. Siaꞌ hiratn obai io kotakng manah doi' biasonyo di dalapm Rumah Allah.

Lukas 1:23

Giliran tugas Zakharia jadi am. Ongko, io pulakng doi' kota Yerusalem ko rumahnyo sikuꞌ.

Lukas 1:62

Ongko, siaꞌ moncubo momakai kode botakutn ko Zakharia, bopai bobia' nantai. Siaꞌ honda' tohu la'apo damo kohonda' io pakai' mondamo'i ana'nyo.

Yohanes 13:24

Jadi Simon Petrus moonji'i kode ko murid nantai oca' io botakutn ko Yesus sopo paca'an monyorahan-Nyo ko musuh.

Kisah Boko Rasul 12:17

Apo Petrus mombori' tando agatn jarinyo oca' sia' langunt holu'ai. Io mongisahan ko sia' sama'an apo caro Tuhatn udah mongoluaran io doi' ponjara. Ongko, io bopandir ko sia', “Padahancam mongona'i hal ni'in ko Yakobus ongko boko urakng pocayo inyo bukai.” Lopas nantai, io botula' ko kota bukai.

Kisah Boko Rasul 19:33

Boko urakng agama Yahudi monyurukan siku' urakng ko muka'. Damonyo Aleksander. Jadi, ado boko urakng bopikir io inyo bosalah. Aleksander moonji'i kode agatn jarinyo oca' urakng banya' langunt. Io honda' monjolasan obai mosalah ni'in kinyo disobaban ulih urakng Yahudi.

Kisah Boko Rasul 21:40

Ongko, kopala' pasukan moijitan Paulus. Paulus bodiritn di pucu' tanggo ongko moonji'i kode agatn jarinyo ko urakng banya' nantai oca' sia' langunt. Pas sia' langunt, io bopandir ko sia' dalapm baso urakng Yahudi, ia'an baso Ibrani.