Kolose 4:8 - Porjanjian Boharu Torjomahan Baso Dilakng Soari-ari

⁸ Aku moutus io ko kaitn oca' kaitn mongotohu'i koadaan koi, huatan oca' io ulih monguat'an hati kaitn.

Kolose 4:8 ပူးပေါင်းရင်းမြစ်များ

Kolose 2:2

Aku bousaha oca' hati kaitn somuo dikuatan huatan kaitn bosatu dalapm kasih. Agatn ubo nian, kaitn mondapat'an somuo borokat huatan monjadi yakitn obai sobondarannyo mongoroti mongona'i Yesus. Kaitn pan paca'an mongotohu'i hajat Allah inyo komai kinyo dikotohu'i monsio. Ia'an, kaitn somuo ulih mongonal Kristus.

2 Tesalonika 2:17

monguat'an hati kaitn oca' kaitn hala molabuhan huatan momandiran boko hal inyo boi'.

1 Tesalonika 5:14

Boko somadikan, koi pan momadahi kaitn oca' moolikan boko urakng inyo lola' bokorojo. Kuatan hati sia' inyo mooso gola'. Tulukngcam urakng inyo uyuh. Sabarcam tohadap somuo urakng.

1 Tesalonika 5:11

Obai nantai, gola' hala salikng moingant'an mongona'i ajaran nantai oca' hati kaitn masikng-masikng dikuatan. Gola' sosamo bontulukan oca' kopocaya'an kaitn ko Yesus monjadi lobih kuat. Memang kaitn tongahan molabuhan nantai jam.

1 Tesalonika 4:18

Obai nantai, gola' hala salikng moingant'an mongona'i ajaran nantai oca' hati kaitn masikng-masikng dikuatan.

1 Tesalonika 3:5

Obai nantaiam aku gola' uti' Rajo Sitatn bohasil moncubo'i kaitn oca' co pocayo agi' ko Yesus. Soumpamonyo hal nantai tojadi, rotinyo somuo polayatan koi di antaro kaitn co nyiant pasalnyo. Aku co ulih monahan oso togonanganku agi', jadi aku moutus Timotius ko kaitn. Aku honda' mondinga' borito mongona'i kopocaya'an kaitn ko Yesus.

1 Tesalonika 3:2

koi momutusan pakai' moutus somadikan koi, Timotius, ko kaitn. Timotius bokorojo samo agatn koi pakai' molayati Allah jam dalapm momboritoan Kabar Boi' mongona'i Kristus. Koi moutus io pakai' monguat'an hati kaitn oca' kaitn lobih kuat pocayo ko Yesus, huatan oca' io momadahi kaitn pakai' totap kuat timpu kaitn mohadapi ajab sonsaro.

1 Tesalonika 2:11

Kaitn tohu koi hidup di antaro kaitn samo sama'an Bopai mondidik poana'annyo agatn kasih.

Filipi 2:28

Obai nantai, mongkitn bondar aku honda' monyiuh io agi' ko kaitn oca' kaitn ulih sonang-nyamanam agi' watu kaitn moniant io. Hatiku tajahan monjadi lobih tenang jam.

2 Korintus 12:18

Aku udah minto oca' Titus monjongu' kaitn bosamo-samo agatn somadikan inyo bukainyo. Timpu nantai, kata'an Titus bayo goyap kountukan doi' kaitn ai? Cado jam! Caro bopikirnyo ongko caro hidupnyo jujur samo sama'an aku jam.

2 Korintus 2:7

Jadi, ni'in, kaitn gola' moamputi io, ongko mohibur io oca' hatinyo kinyo monjadi kotakan salu' sampai bulah io putus asa.

2 Korintus 1:4

Sio monguat'an hati koi dalapm boko pondorita'an koi. Agatn ubo nian, Sio bulah koi ulih monguat'an hati boko urakng bukai dalapm boko pondorita'an sia'. Koi monguat'an hati sia' samo sama'an Allah monguat'an hati koi.

1 Korintus 4:17

Aku moutus Timotius ko kaitn oca' monulukng kaitn monuruti toladatnku. Io sama'an ana' inyo kokidahku. Io jam sotia monulukngku molayati Tuhatn. Io paca'an moingant'an kaitn mongona'i caroku hidup dibabah kuaso Kristus Yesus. Caro hidup nantai samo sama'an la'apo inyo udah kuajaran disotiap jomaat di mono-mono.