Kolose 4:6 - Porjanjian Boharu Torjomahan Baso Dilakng Soari-ari

⁶ Bopandircam agatn ramah huatan co tohu suah. Agatn ubo nian, aman ado urakng inyo monakutan sosuatu mongona'i boko hal inyo kito pocayo, ongko kaitn paca'an tohu caronyo pakai' monimbasinyo.

Kolose 4:6 ပူးပေါင်းရင်းမြစ်များ

Matius 5:13

“Kaitn ni'in garapm dunia. Apo aman garapm monjadi taba'i, co mungkitn dipulah mancitn agi'. Garapm nantai kinyo boguno agi'. Ongko, garapm nantai dibuakanmo ongko ditonja' urakng.

Markus 9:50

Garapm nantai boi'. Jadi, kaitn gola' monjadi samo sama'an garapm. Kaitn gola' hidup damai agatn urakng inyo bukai. Apo aman garapm monjadi taba'i, co mungkitn dipulah mancitn agi'.”

Lukas 4:22

Somuo urakng inyo ado di santai bopandir, “Sio urakng boi'.” Sia' hiratn mondingaꞌ pomandiran Sio inyo kotakan corodi'. Kato sia', “Padohal Sio ni'in ana' Yusuf mo!”

Efesus 4:29

Aman kaitn bopandir, jangan momakai boko pandir inyo jahat. Apo pakaicam boko pandir inyo boi' pakai' monguat'an hati urakng bukai sosuai agatn kopontikan sia'. Agatn sama'an nantai boko urakng inyo mondinga' pandir nantai bodapat koboi'an.

Kolose 3:16

Kohonda'nyo ajaran Kristus somombondarannyo mansu' ko dalapm hati kaitn huatan monguaso'i caro hidup kaitn siku'-monyiku'. Kaitn gola' samo mongajar, samo moingant'an agatn somuo kopintar-corodi'an. Nyanyiancam mazmur, puji-pujian, nyanyian mongona'i Allah. Bonyanyicam agatn bosukur ko Allah dalapm hati kaitn.

1 Petrus 3:15

Apo dalapm hati kaitn hormaticam Kristus sobagai Tuhatn inyo bokuaso pakai' kaitn. Kaitn gola' hala siap monjolasan alasan kaitn boharap ko Kristus. Kaitn gola' monjolasan nantai ko sotiap urakng inyo botakutn mongona'i hal nantai.