Kolose 4:3 - Porjanjian Boharu Torjomahan Baso Dilakng Soari-ari

³ Aku tongahan dalapm ponjara obai aku momboritoan Kabar Boi'. Jadi, bodoa jam pakai' koi oca' Allah moonji'i jalatn pakai' koi momboritoan Kabar Boi' mongona'i Kristus, ia'an hajat Allah inyo komai kinyo dikotohu'i monsio.

Kolose 4:3 ပူးပေါင်းရင်းမြစ်များ

Matius 13:11

Timbas Yesus, “Kaitn udah dionji'i pongorotian mongona'i Koraja'an Sorugo inyo bolupm dikotohu'i urakng bukai. Apo urakng banya' ni'in bolupm dionji'i pongorotian nantai.

Kisah Boko Rasul 14:27

Jadi, watu sia' tuntukng di Antiokhia, sia' mongumpulan boko urakng pocayo ko Yesus. Sia' duo mongisahan somuo inyo udah Allah labuhan dalapm polayatan sia'. Hususnyo, sia' mongisahan mongona'i Allah inyo moonji'i caro oca' banya' urakng inyo bukainyo urakng Yahudi monjadi pocayo ko Yesus.

Roma 16:25

Topujicam Allah! Io inyo bokuaso bulah kaitn kuat pocayo sosuai agatn Kabar Boi' mongona'i Yesus Kristus inyo ku boritoan. Kabar Boi' nantai momadahan mongona'i hajat Allah pakai' somuo banso. Somanah boabad-abad, conyiant monsio inyo mongotohu'i hajat Allah nantai.

1 Korintus 16:9

Obai ado banya' kosompatan dalapm polayatan aku di si'itn. Kosompatan nantai bosar huatan boguno bondar. Biar pan banya' jam urakng inyo bolawatan agatn aku.

1 Korintus 4:1

Jadi, kaitn gola' borotian koi somuo agatn caro ni'in: Koi ninam boko polayatn Kristus. Koi ninam urakng inyo Allah pocayoam pakai' momboritoan roncana-Nyo inyo komai kinyo dikotohu'i monsio.

2 Korintus 2:12

Timpu aku ko kota Troas pakai' momboritoan Kabar Boi' mongona'i Kristus, Tuhatn udah monunju'an jalatn pakai' molayati Sio di su'utan.

Efesus 3:1

Nantaiam sobabnyo aku, Paulus ditamoan ko dalapm ponjara obai molayati Kristus Yesus momboritoan Kabar Boi' ko kaitn boko urakng bukainyo urakng Yahudi. Obai aku molabuhan nantai, jadi aku

Efesus 3:3

Sio momboritoan ko aku roncana-Nyo inyo komai kinyo dikotohu'i monsio. Di pucu' Aku udah monulis socaro panda' ko kaitn mongona'i hal nantai.

Efesus 3:4

Aman kaitn mombaconyo, kaitn paca'an momahami mongona'i roncana-Nyo inyo dilabuhan-Nyo molalu'i Kristus samo sama'an aku momahaminyo.

Efesus 3:9

Allah pan moutusku pakai' monyatoan ko somuo urakng mongona'i roncana-Nyo pakai' boko urakng bukainyo urakng Yahudi. Doi' awal-mulonyo, Allah inyo mombulah somuo hal bolupm momandirannyo ko monsio mongona'i roncana-Nyo nantai.

Efesus 4:1

Obai nantai, sama'an ni'inan nosihat doi' ku, ia'an aku inyo ditamoan ko dalapm ponjara obai aku molayati Tuhatn Yesus. Kaitn udah ditingkau monjadi umant Allah. Jadi, aku muhun oca' kaitn hidup agatn caro inyo cucu' pakai' boko urakng inyo ditingkau sama'an nantai.

Filipi 1:19

obai aku udah tohu ponuntukng somuo ni'in, ia'an agatn boko doa kaitn ongko agatn potulukan doi' Roh Yesus Kristus, jadi aku tajahan dibebasan.

Filipi 1:7

Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

Kolose 1:26

hajat Sio inyo kinyo dikotohu'i monsio. Komai turutn-tomurutn, co nyiant monsio mongotohu'i roncana-Nyo nantai. Apo ni'in, Sio momadahan nantai ko boko urakng inyo pocayo.

Kolose 4:18

Salapm doi' aku, Paulus. Aku monulis salapm ni'in agatn jariku siku'. Jangan tongkolupatn obai aku ija' di dalapm ponjara! Aku bodoa oca' Tuhatn moonji'i koboi'an ko kaitn.

1 Tesalonika 5:25

Boko somadikan, tulukng doa'an koi jam.

2 Timotius 1:16

Apo Onesiforus kinyo malu obai aku ditahatn dalapm ponjara. Watu io ado di kota Roma ni'in, io bousaha koras pakai' monggoyapi aku. Lopas udah monomuan aku, io opat datakng mongkongkanti'i aku. Kolai udah tohu io opat jam molayati di kota Efesus. Obai nantai, aku bodoa oca' Tuhatn monunju'an kasih-Nyo ko io pado ari Tuhatn mohakipi somuo urakng huatan monunju'an kasih ko somuo urakng inyo monotap dalapm rumahnyo.

2 Timotius 2:9

Obai aku momboritoan Kabar Boi' nantai, aku ajab sonsaro, malahan aku ditahatn agatn rantai dalapm ponjara ubonyo aku sama'an ponjahat. Apo pomboritoan pomandiran Allah kinyo totongga'an.

2 Timotius 4:2

Boritoancam pomandiran Allah! Boritoancam agatn torus-monorus sotiap watu. Tulukngcam boko urakng oca' mongomboi'i caro hidupnyo. Olikancam urakng inyo bulah kosalahan. Padahicam huatan onji'i somangant ko boko urakng oca' hala bulah koboi'an. Labuhancam somuo nantai agatn sabar. Labuhancam somuonyo nantai kapikng mongajar Pomandiran Allah.

Filemon 1:22

Solaitn nantai pan, tulukng siap'an tompat ponoluntukan di rumah kolai pakai' ku. Obai, aku yakitn Allah paca'an mongabulan doa kaitn sampai aku dibebasan lalu ulih bobali' agi' ko kaitn.