Kolose 4:18 - Porjanjian Boharu Torjomahan Baso Dilakng Soari-ari

¹⁸ Salapm doi' aku, Paulus. Aku monulis salapm ni'in agatn jariku siku'. Jangan tongkolupatn obai aku ija' di dalapm ponjara! Aku bodoa oca' Tuhatn moonji'i koboi'an ko kaitn.

Kolose 4:18 ပူးပေါင်းရင်းမြစ်များ

Roma 16:20

Allah inyo moonji'i sonang-nyamanam tajahan copat molonyapan kuaso Rajo Sitatn inyo molawatn kaitn. Aku bodoa oca' Yesus, Tuhatn kito, hala monunju'an kasih-Nyo ko kaitn.

Roma 16:22

Salapm dalapm Tuhatn ko kaitn doi' Tertius, ia'an aku inyo monulis pomandiran Paulus dalapm surat ni'in.

Roma 16:23

Salapm ko kaitn doi' Gayus, inyo monorima'ku bodiapm di rumahnyo. Io pan monorima' somuo jomaat di rumahnyo. Salapm ko kaitn doi' Erastus, bendahara kota. Salapm jam doi' Kwartus, urakng inyo pocayo samo sama'an kito. [

1 Korintus 16:21

Agatn jariku siku' aku monulis ni'in: Salapm doi' aku, Paulus.

Filipi 1:7

Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

Kolose 4:3

Aku tongahan dalapm ponjara obai aku momboritoan Kabar Boi'. Jadi, bodoa jam pakai' koi oca' Allah moonji'i jalatn pakai' koi momboritoan Kabar Boi' mongona'i Kristus, ia'an hajat Allah inyo komai kinyo dikotohu'i monsio.

2 Tesalonika 3:17

Salapm doi' aku, Paulus. Aku monulis salapm ni'in agatn jariku siku'. Aku momakai caro ni'in dalapm sotiap suratku oca' kaitn tohu surat ni'in ia'an tulisanku.

1 Timotius 6:21

Udah ado urakng inyo pocayo agatn ajaran sia' inyo kinyo bondar nantai. Jadi, sia' udah co pocayo agi' ko Yesus. Aku bodoa oca' Tuhatn monunju'an koboi'an-Nyo ko kaitn somuo.

2 Timotius 1:8

Jadi, jangan malu momboritoan mongona'i Tuhatn kito. Jangan malu mongona'i aku inyo dimansu'an ko dalapm ponjara obai molayati Sio. Apo, agatn kokuatan doi' Allah, tuyutcam ajab sonsaro obai pomboritoan Kabar Boi' nantai.

2 Timotius 4:22

Aku bodoa oca' Tuhatn monyoroto'i kolai, Timotius. Aku bodoa oca' Tuhatn monunju'an koboi'an-Nyo ko somuo kaitn.

Titus 3:15

Somuo urakng inyo bosamo agatn aku di Nikopolis ni'in monyampaian salapm ko kolai. Sampaian jam salapmku ko boko urakng pocayo di su'utn inyo mongasihi koi. Aku bodoa oca' Tuhatn monunju'an koboi'an-Nyo ko kaitn somuo.

Ibrani 13:25

Aku bodoa oca' Tuhatn monunju'an kasih karunia ko kaitn somuo.

Ibrani 13:3

Ingantcam boko urakng inyo di dalapm ponjara sama'an kaitn pan ado di dalapm ponjara bosamo agatn sia'. Ingantcam boko urakng inyo disiksa sama'an kaitn disiksa sama'an nantai jam.