Kolose 4:11 - Porjanjian Boharu Torjomahan Baso Dilakng Soari-ari

¹¹ Salapm jam doi' Yesus, inyo ditingkau Yustus. Doi' boko urakng Yahudi inyo pocayo, bayo kotigo urakng ni'in inyo ija' molayati bosamo agatn aku pakai' momboritoan mongona'i Koraja'an Allah. Sia' somombondarannyo monulukng aku.

Kolose 4:11 ပူးပေါင်းရင်းမြစ်များ

Kisah Boko Rasul 11:2

Jadi, watu Petrus botula' ko Yerusalem, boko urakng pocayo inyo monaati poraturan agama Yahudi monyalahan io.

Filemon 1:1

Surat ni'in doi' aku, Paulus. Aku di ponjara obai aku molayati Kristus Yesus. Salapm jam doi' Timotius, somadikan kito. Surat ni'in ko Filemon inyo tokasih. Inyo bokorojosamo agatn koi molayati Tuhatn.

Titus 1:10

Aku momadahan nantai obai ado banya' urakng Kreta inyo kinyo honda' monaati boko ponotua', hususnyo sia' inyo tontainyo sobolupmnyo boagama Yahudi. Sia' bopandir mongona'i boko hal inyo kinyo boguno. Sia' moncubo monipu urakng bukai.

Kolose 4:7

Aku moutus somadikan inyo ku kasihi, Tikhikus, ko kaitn. Io paca'an momadahan ko kaitn somuo kabar mongona'i aku. Io nantai kawal boi' dalapm pokoroja'an molayati Tuhatn. Io molayati agatn sotia.

2 Korintus 6:1

Sobagai urakng inyo bokorojo samo agatn Allah, jadi koi muhun ko kaitn: Jangannam bulah koboi'an Allah nantai monjadi sia-sia.

Roma 4:12

Apo Abrahapm jam monjadi bopai loluhur urakng Yahudi inyo bosunant, inyo moniru caro hidup Abrahapm. Ia'an, sia' inyo kinyo bosunant, apo sia' pocayo samo sama'an Abrahapm pocayo sobolupm io disunant.

Kisah Boko Rasul 10:45

Ado boko urakng Yahudi inyo tuyut Petrus doi' kota Yope. Sia' moniant kojadian nantai. Kotakan hiratn sia' obai Roh Allah jam datakng ko boko urakng inyo bukai Yahudi.

Filemon 1:24

Salapm jam doi' Markus, Aristarkhus, Demas huatan Lukas, ia'an boko kawal inyo bokorojosamo agatn ku pakai' momboritoan Kabar Boi'.

1 Tesalonika 3:7

Boko somadikan, koi ajab sonsaro di si'itn obai ado inyo mondorako'i koi. Apo lopas koi dapat kabar obai kaitn totap pocayo, hati koi monjadi sonang-nyaman.

1 Tesalonika 3:2

koi momutusan pakai' moutus somadikan koi, Timotius, ko kaitn. Timotius bokorojo samo agatn koi pakai' molayati Allah jam dalapm momboritoan Kabar Boi' mongona'i Kristus. Koi moutus io pakai' monguat'an hati kaitn oca' kaitn lobih kuat pocayo ko Yesus, huatan oca' io momadahi kaitn pakai' totap kuat timpu kaitn mohadapi ajab sonsaro.

Filipi 4:3

Ko Sunsugos, kawalku inyo sotia, aku minto oca' kolai monulukng duo urakng botina' nantai. Obai, sia' udah bogota' humpas-pulas bosamo agatn aku pakai' momboritoan Kabar Boi', samo sama'an Klemens ongko boko urakng bukai inyo bokorojo bosamo agatn aku. Somuo damo sia' ado dalapm Buku Kohidupan.

Efesus 2:11

Obai nantai, boko somadikan, ingant cam koadaan kaitn komai. Kaitn lahir sobagai boko urakng bukainyo urakng Yahudi. Urakng Yahudi mongatoan sia' umant Allah obai sia' disunant, boko hal inyo dikorojoan jari monsio aja'am. Sia' monyobut kaitn boko urakng inyo kinyo disunant inyokinyo tomansu' umant Allah.

Roma 16:3

Padahan salapm ko Priskila ongko Akwila. Sia' bokorojosamo agatn aku pakai' molayati Kristus Yesus.