Kolose 3:20 - Porjanjian Boharu Torjomahan Baso Dilakng Soari-ari

²⁰ Ko boko bobia' aku bopandir: kaitn gola' monaati urakng tuho kaitn dalapm somuo hal. Obai, nantaiam inyo monyonangan hati Tuhatn.

Kolose 3:20 ပူးပေါင်းရင်းမြစ်များ

Matius 19:19

hormaticam indai-bopai kolai, kasihicam sosamo kolai samo sama'an kolai mongasihi diri kolai siku'.”

Efesus 5:24

Obai nantai dalapm somuo hal bini gola' mohormati lakinyo samo sama'an boko urakng pocayo mohormati Kristus.

Filipi 4:18

Ni'in, aku udah ado somuo inyo ku pontikan, malahan lobih doi' nantai, obai aku udah monorima' doi' Epafroditus somuo inyo kaitn kiripan. Allah sonang agatn poonju' kaitn nantai inyo samo sama'an posombahan inyo bou harupm damo kurbatn bonatakng inyo Sio torima' agatn sonang hati.

Kolose 1:10

Agatn sama'an nantai kaitn ulih hidup agatn caro inyo hala monyonangan Tuhatn. Jadi, somuo porbuatan boi' inyo kaitn labuhan paca'an ado pongulihan inyo boi'. Kaitn pan paca'an mongkitn mongotohu'i mongona'i Allah huatan mongkitn mongonal Sio.

Kolose 3:22

Ko boko hulutn aku bopandir: kaitn gola' onsi' agatn habakng inyo di dunia ni'in dalapm somuo hal. Jangan bayo watu sia' moniant kaitn obai honda' monyonangan sia'. Apo taat'icam sia' agatn hati inyo jujur obai kaitn mohormati Tuhatn.

Titus 2:9

Ajaricam boko hulutn inyo pocayo oca' sia' tundu' agatn habakng sia' dalapm somuo hal. Sia' gola' bokorojo pakai' monyonangan habakng sia'. Sia' co ulih monikaki habakng sia'.

Ibrani 13:21

Aku bodoa oca' Allah moonju' ko kaitn somuo hal boi' inyo dipontikan kaitn pakai' molabuhan kohonda'-Nyo. Aku bodoa oca' Allah molalu'i Yesus Kristus, mongorojoan dalapm hati kito somuo hal inyo dikohonda'i-Nyo. Mara kito momuji Sio pakai' somanah-manahnyo. Amin!