Kolose 3:16 - Porjanjian Boharu Torjomahan Baso Dilakng Soari-ari

¹⁶ Kohonda'nyo ajaran Kristus somombondarannyo mansu' ko dalapm hati kaitn huatan monguaso'i caro hidup kaitn siku'-monyiku'. Kaitn gola' samo mongajar, samo moingant'an agatn somuo kopintar-corodi'an. Nyanyiancam mazmur, puji-pujian, nyanyian mongona'i Allah. Bonyanyicam agatn bosukur ko Allah dalapm hati kaitn.

Kolose 3:16 ပူးပေါင်းရင်းမြစ်များ

Matius 26:30

Lalu, Yesus ongko boko murid-Nyo monyanyian lagu pujian ko Allah. Lopas nantai, sia' botula' ko bukit Jaitun.

Lukas 2:51

Lopas nian Yesus pulakng sosamo agatn sia' ko kota Nazaret. Yesus totap taat agatn sia'. Indai-Nyo monyimpatn boko poristiwa inyo tojadi nantai, dalapm hatinyo.

Yohanes 15:7

Kaitn gola' bosatu agatn Aku huatan pomandiran-Ku gola' ado di dalapm hati kaitn. Aman ubo nian, minto ja'am lapo ja' inyo kaitn kohonda'i, lalu kaitn paca'an dionji'inyo.

Roma 10:17

Jadi, kosimpulannyo, monsio monjadi pocayo obai sia' mondinga' Kabar Boi'. Ongko sia' mondinga' kabar nantai obai ado monsio inyo momboritoan mongona'i Kristus.

Roma 15:14

Boko somadikanku, aku kotakng yakitn obai kaitn kotakan boi' ongko mongotohu'i somuo inyo dipontikan. Jadi, kaitn ulih momadahi siku'-monyiku'.

1 Korintus 14:15

Jadi, gola' kito molabuhan ni'in: Kito gola' bodoa momakai roh kito. Apo kito pan gola' bodoa momakai akal budi kito. Kito gola' bonyanyi pujian momakai roh kito. Apo kito pan gola' bonyanyi pujian momakai akal budi kito.

1 Korintus 14:26

Jadi ubo ni'in boko somadikan: Watu kaitn bokumpul pakai' sombayakng, ado inyo monyanyi lagu pujian, ado inyo moajaran sosuatu, ado inyo monyampaian sosuatu inyo Allah poniant'an ko io, ado inyo bopandir pakai baso roh, ado inyo monjolasan roti doi' pomandiran dalapm boko baso nantai. Somuo nantai gola' dilabuhan pakai' monguat'an urakng bukai.

Efesus 1:17

Aku bodoa ko Allah Tuhatn kito Yesus Kristus, Allah Bopai inyo mulia, oca' Sio moonji'i Roh-Nyo ko kaitn inyo mombulah kaitn bohikmat huatan mongonal Sio kotakng dalapm agi'.

Efesus 5:17

Jangan budu, apo bousaha cam oca' kaitn mongoroti la'apo inyo dikohonda'i Tuhatn.

Efesus 5:19

popado bopandir cam agatn momakai kato-pandir doi' mazmur, puji-pujian huatan nyanyian rohani. Bonyanyi cam momuji Tuhatn agatn hati inyo rindakng.

Efesus 5:26

oca' sia' monjadi borosih doi' dosa sia'. Sio momakai ara'i huatan Pomandiran Allah pakai' mombulah sia' borosih.

Kolose 1:28

Kristus nantaiam inyo koi boritoan watu koi momakai somuo kopintar-corodi'an pakai' monosihat'i huatan mongajar sotiap urakng. Tujuannyo oca' koi ulih mombaba' sotiap urakng ko Allah dalapm koadaan suci obai bosatu agatn Kristus.

Kolose 1:9

Obai nantai, doi' koi mondinga' mongona'i kaitn, koi hala bodoa pakai' kaitn. Koi mominto oca' Allah bulah kaitn pintar-corodi' huatan mampu mongoroti boko hal inyo rohani. Agatn caro nantai, kaitn ulih mongotohu'i kohonda'-Nyo.

Kolose 4:6

Bopandircam agatn ramah huatan co tohu suah. Agatn ubo nian, aman ado urakng inyo monakutan sosuatu mongona'i boko hal inyo kito pocayo, ongko kaitn paca'an tohu caronyo pakai' monimbasinyo.

1 Tesalonika 1:8

Kabar Boi' mongona'i Tuhatn Yesus tosebar doi' kaitn ko urakng di propinsi Makedonia huatan Akhaya. Apo kinyo bayo sampai di su'utn. Watu ni'in, boko urakng di mono-mono mondinga' obai kaitn pocayo ko Allah. Obai nantai, watu koi mondataki boko tompat bukai, koi kinyo gola' mongisahan mongona'i kaitn.

1 Tesalonika 4:18

Obai nantai, gola' hala salikng moingant'an mongona'i ajaran nantai oca' hati kaitn masikng-masikng dikuatan.

2 Tesalonika 3:15

Apo jangan jam moanggap io sobagai musuh apo totap olikan ja'am io sobagai somadikan.

1 Timotius 6:17

Poringant'ancam ko boko urakng dampu di dunia ni'in oca' sia' jangan buhau huatan oca' jangan pocayo ko boko kodampuan sia' inyo kinyo ulih botahatn somanah-manahnyo. Apo sia' gola' pocayo ko Allah obai Sio onsi' agatn urakng. Sio moonji'i somuo hal oca' kito ulih mooso'i ponyaman.

2 Timotius 3:15

Kolai gola' hala pocayo nantai jam obai, tangga'i kolai ija' kocit, kolai bolajar Buku Suci. Buku Suci mampu bulah kolai mongoroti mongona'i kosolamant'an molalu'i kopocaya'an ko Kristus Yesus.

Yakobus 1:5

Aman ado inyo kurakng pintar-corodi', io gola' minto doi' Allah. Lalu, Allah paca'an moonji'i pintar-corodi'. Obai, Allah gala' moonji'i ko somuo urakng. Sio co monyalahan urakng inyo minto.

Yakobus 3:17

Apo boko urakng inyo ado hikmat doi' Allah, caro hidup sia' sama'an ni'in: Inyo palikng pontikng sia' hidup agatn caro inyo borosih. Sia' gala' agatn podamaian. Sia' lomah-lombut huatan hatinyo tobuka' pakai' monuruti kohonda' urakng bukai. Sia' monunju'an kasih sayangnyo ko urakng bukai huatan hala bulah koboi'an. Sia' co momihak ko boko urakng totontu, apo hala botorus torakng.

Yakobus 5:13

Aman ado di antaro kaitn inyo sonsaro, io gola' bodoa minto potulukan Tuhatn. Aman ado di antaro kaitn inyo hidupnyo sonang, io gola' bonyanyi momuji Tuhatn.

1 Yohanes 2:14

Poana'anku! Aku monulis ni'in ko kaitn obai kaitn mongonal Allah Bopaiku. Boko pombopaian! Aku monulis ni'in ko kaitn obai kaitn udah mongonal Yesus Kristus, ia'an Sio inyo udah ado sobolupm dunia dipulah. Boko urakng muda'! Aku monulis ni'in ko kaitn obai kaitn pocayo agatn kuat. Pomandiran Allah ado di dalapm hati kaitn huatan kaitn udah mongalahan kojahatan.

1 Yohanes 2:24

Jadi, jangan kaitn tongga'an pocayo agatn ajaran inyo bondar, ia'an ajaran inyo udah kaitn dinga' doi' kaitn hoyu' mula'i pocayo. Aman kaitn molabuhan nantai, lalu kaitn paca'an hala hidup bosatu agatn Allah Bopai huatan Yesus Kristus, Ana'-Nyo.

1 Yohanes 2:27

Apo kaitn udah monorima' Roh Allah doi' Yesus Kristus. Roh Allah totap ado di kaitn. Obai nantai, kaitn kinyo pontikng diajari urakng bukai. Roh Allahmo moajari kaitn mongona'i boko la'apo pan. Ajaran-Nyo bondar, kinyo tumbukan. Jadi, sosuai agatn lapo inyo Sio ajaran ko kaitn komai, kohonda'nyo kaitn totap hidup bosatu agatn Kristus.

2 Yohanes 1:2

Obai kito sosamo pocayo agatn ajaran inyo bondar ongko kito paca'an pocayo somanah-manahnyo.

Wahyu 14:3

Sia' monyanyian suatu nyanyian boharu di pohadapan tahta huatan koompat mahluk ongko boko pomimpitn nantai. Conyiant urakng bukai inyo ulih mompolajari nyanyian nantai kocuali soratus ompat puluh ompat ribu urakng nantai. Ia'an sia' inyo Yesus udah bebasan doi' bumi.

Wahyu 15:3

Sia' monyanyian nyanyian Musa, hulutn Allah, huatan nyanyian Ana' Domba, ubo ni'in bunyinyo: “Tuhatn Allah Inyo Maho Kuaso! Boko porbuatan Duatn kotakan hebat huatan mohiratan. Duatam Rajo di pucu' boko banso. Boko porbuatan Duatn adil huatan bondar.

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”

Wahyu 5:9

Sia' monyanyian nyanyian boharu pakai' momuji Ana' Domba nantai. Kato sia', “Duatn inyo cucu' monorima' gulukan buku nian lalu molopasan boko segelnyo. Obai, Duatn udah disombolih; Agatn darah Duatn siku', Duatn udah mombayar hukupan dosa boko urakng doi' sotiap suku, sotiap baso, sotiap banso, sotiap negara. Duatn molabuhan nantai pakai' bulah sia' monjadi umant umputn Allah.