Kolose 3:14 - Porjanjian Boharu Torjomahan Baso Dilakng Soari-ari

¹⁴ Inyo palikng pontikng doi' somuo sipat nantai ia'an samo mongasihi. Kasih nantai bulah kito monjadi satu huatan monjadi sompurna.

Kolose 3:14 ပူးပေါင်းရင်းမြစ်များ

Yohanes 13:34

Aku moonji'i porintah boharu ko kaitn: Kaitn gola' hala mongasihi siku'-monyiku'. Samo sama'an Aku udah mongasihi kaitn, sama'an nian jam kaitn gola' hala mongasihi siku'-monyiku'.

Yohanes 15:12

Ni'in porintah-Ku: Kaitn gola' totap hala mongasihi, samo sama'an Aku mongasihi kaitn.

Yohanes 17:23

Ia'an, Aku bosatu agatn sia' huatan Duatn bosatu agatn Aku. Nantai oca' sia' monyatu agatn sompurna. Agatn caro ubo nian, lalu boko urakng di dunia monjadi tohu obai Duatn nam inyo udah moutus Aku. Boko urakng di dunia pan monjadi tohu obai Duatn mongasihi boko urakng inyo pocayo agatn Aku, samo agatn Duatn mongasihi Aku.

Roma 13:8

Janganam kaitn bohutakng la'apo pan ko sopo pan. Apo kaitn gola' hala mongasihi. Obai, urakng inyo mongasihi urakng bukai udah momonuhi somuo Hukupm Torat.

Efesus 1:4

Obai, sobolupm Allah mombulah dunia ni'in, Sio udah momilih kito monjadi umat-Nyo dalapm Kristus. Tujuan-Nyo oca' kito monjadi borosih, co bodosa di hadapan-Nyo.

Efesus 4:3

Bousaha cam bondar-bondar hidup damai agatn uyakng bukai oca' kaitn totap bosatu dalapm Roh Allah.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

Kolose 2:2

Aku bousaha oca' hati kaitn somuo dikuatan huatan kaitn bosatu dalapm kasih. Agatn ubo nian, kaitn mondapat'an somuo borokat huatan monjadi yakitn obai sobondarannyo mongoroti mongona'i Yesus. Kaitn pan paca'an mongotohu'i hajat Allah inyo komai kinyo dikotohu'i monsio. Ia'an, kaitn somuo ulih mongonal Kristus.

1 Tesalonika 4:9

Ni'inan, mongona'i hal mongasihi boko somadikan bukai inyo pocayo ko Yesus. Koi kinyo pontikng monulis surat agi' mongona'i hal nantai obai Allah udah mongajar kaitn pakai' hala mongasihi.

1 Timotius 1:5

Aku moonji'i nosihat ni'in oca' boko urakng inyo pocayo hala mongasihi agatn hati inyo jujur, agatn saro hati pakai' bulah koboi'an, huatan bondar-bondar pocayo ko Yesus.

Ibrani 6:1

Obai nantai, mara am kito maju agatn boko ajaran mongona'i Sio inyo mombulah kito lobih botumbuh monjadi dewasa dalapm Kristus. Jangannam kito moulaki agi' boko ajaran dasar, ia'an ajaran obai urakng gola' botongga' molabuhan boko hal inyo pocumo huatan pocayo cam ko Allah,

1 Petrus 4:8

Inyo kotakan pontikng, kaitn gola' bobondar hala mongasihi. Obai, urakng inyo mongasihi ulih moamputi boko kosalahan.

2 Petrus 1:7

Lopas nantai pan, kaitn gola' mongasihi boko somadikan kaitn bukai inyo pocayo. Kotakan toahir, kaitn gola' mongasihi somuo urakng.

1 Yohanes 3:10

Doi' tando ni'in kito mongotohu'i sopo poana'an Allah huatan sopo poana'an Rajo Sitatn: Urakng inyo co hidup bondar di hadapan Allah, urakng nianan bukainyo ana' Allah. Ubo nian jam, urakng inyo co mongasihi somadikannyo. Urakng nantai bukainyo ana' Allah.

1 Yohanes 3:23

Ninam porintah-Nyo: Kito gola' pocayo agatn damo Ana'-Nyo, ia'an Yesus Kristus. Huatan kito gola' hala mongasihi sosuai agatn porintah inyo Sio onju' ko kito.

1 Yohanes 4:21

Nianam porintah inyo kito torima' doi' Sio: Urakng inyo mongasihi Allah, io gola' mongasihi somadikannyo.