Kolose 2:9 - Porjanjian Boharu Torjomahan Baso Dilakng Soari-ari

⁹ Obai, Allah ado soponuhnyo di dalapm diri Kristus.

Kolose 2:9 ပူးပေါင်းရင်းမြစ်များ

Matius 1:23

“Dinga'anbo! Siku' urakng botina' daro paca'an buntikan, lalu boana'an siku' bobia' lolaki. Sia' paca'an mondamo'i Sio, Imanuel.” (Damo Imanuel nantai boroti “Allah monyoroto'i kito.”)

Lukas 14:22

Lopas nian, hulutn nantai bopandir ko habakngnyo, ‘Habakng, aku udah molabuhan porintah duatn nantai, apo ija' ado tompat logo pakai' banyaꞌ tamu' agi'.’

Lukas 3:22

huatan Roh Allah turutn kopucu'-Nyo monyorupo'i burukng daro. Ongko kodinga'an saro Allah doi' sorugo momandiran, “Kolai nam Ana'-Ku inyo Ku kasihi. Kolai monyonangan hati-Ku.”

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Yohanes 1:16

Obai Sio kotakng mongasihi kito, jadi kito hala monorima' borokat doi' Sio.

Yohanes 10:30

Aku huatan Bopai-Ku siku'mo.”

Yohanes 10:38

Apo memang Aku molabuhan boko pokoroja'an Bopai-Ku. Biar pan kaitn co pocayo agatn Aku, palikng cado honda'nyo kaitn pocayo agatn boko pokoroja'an nantai. Agatn ubo nian, kaitn paca'an tohu huatan mongoroti obai Bopai bosatu agatn Aku, huatan Aku bosatu agatn Bopai.”

Yohanes 14:20

Timpu nantai, kaitn paca'an tohu obai Aku bosatu agatn Bopai, kaitn bosatu agatn Aku, huatan Aku bosatu agatn kaitn.

Yohanes 17:21

Aku bodoa oca' sia' monjadi satu samo agatn Duatn di dalapm Aku huatan Aku di dalapm Duatn, oi Bopai. Agatn ubo nian sia' monjadi satu agatn Kito oca' boko urakng di dunia pocayo obai Duatam inyo udah moutus Aku.

Yohanes 2:21

Apo Yesus co bomasud Rumah Allah nantai. Agatn pomandiran ‘Rumah Allah’, masud Sio bukakng-Nyo siku'.

Kisah Boko Rasul 17:29

Obai kito nantai ‘koturutan-Nyo,’ jadi jangan bopikir Allah nantai sosuatu inyo dipulah doi' omas, pira' damo batu. Somuo bando nantai dirancakng huatan dipulah ulih monsio mo.

2 Korintus 5:19

Koi momboritoan obai molalu'i Kristus, Allah udah mombuka' jalatn oca' urakng ulih bodamai agi' agatn diri-Nyo. Sio kinyo mompohitukan kosalahan sia'. Sio udah moutus koi pakai' monyampaian kabar mongona'i podamaian nantai.

Kolose 1:19

Obai, somuo sipat huatan kuaso Allah ado di dalapm diri Kristus. Allah siku'mo inyo mongohonda'i nantai.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

Titus 2:13

kapikng kito monantian ari kodatakan Allah inyo Maho Kuaso ongko Ponyolamant kito, Yesus Kristus, ia'an ari inyo kito harapan agatn rindakng-rigah,

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

1 Yohanes 5:7

Jadi ado tigo hal inyo bosasi mongona'i sopo Yesus sobondarnyo: