Kolose 2:23 - Porjanjian Boharu Torjomahan Baso Dilakng Soari-ari

²³ Memang boko poraturan nantai kotiat'annyo bopongaruh boi' obai boko urakng inyo moikuti gola' momoso diri pakai' monaatinyo. Sia' pompadah rondah hati. Sia' monyisa bukakng-tubuh sia' siku'. Apo somuo poraturan sama'an nantai kinyo boguno huatan ongkah bulah urakng honda' momuasan kohonda' dunia ni'in.

Kolose 2:23 ပူးပေါင်းရင်းမြစ်များ

1 Timotius 4:8

Ado porbaso: ‘Aman kito bolatih oca'’ bulah bukakng-tubuh kito lobih kuat, ongko gunonyo oca' kito hidup lobih boi' di dunia ni'in. Apo, aman kito bolatih oca' hidup sosuai agatn kohonda' Allah, ongko gunonyo kito kinyo bayo hidup lobih boi' di dunia ni'in, malah kito pan ulih hidup somanah-manahnyo di sorugo.

Kolose 2:18

Ado urakng inyo pompadah rondah hati huatan monyombah boko molekat. Jangan biaran urakng sama'an nantai bulah kaitn pocayo ajaran inyo salah, sampai kaitn co dapat borokat doi' Allah. Urakng sama'an nantai buhau agatn mongatoan io ado boko poniant'an doi' Allah. Apo sobondarnyo pikirannyo duniawi inyo bulah io buhau.

Kolose 2:8

Boboi'cam jangan ado urakng inyo mongontumbuki kaitn agatn ajaran inyo kinyo boguno, ajaran inyo salah. Boko ajaran nantai doi' pondapat monsio, doi' boko roh inyo bokuaso di dunia ni'in, kinyo doi' Kristus.

1 Timotius 4:3

Boko urakng tumbukan nantai morarakng urakng pakai' kawitn. Sia' pan morarakng urakng pakai' makatn pomakatn totontu. Apo sobondarnyo Allah bulah somuo pomakatn oca' boko urakng inyo pocayo ajaran bondar monorima' pomakatn agatn oso sukur ko Sio.

Kolose 2:22

Somuo poraturan sama'an nantai mongona'i boko hal inyo somontaro mo di dunia ni'in, boko hal nantai kinyo boguno agi'. Somuo poraturan sama'an nantai bayo boko porintah huatan boko ajaran monsio mo.

Efesus 5:29

Conyiant urakng inyo mombonci' bukakng-tubuhnyo siku'. Malahan io mongombolo huatan morawatnyo. Nantai samo sama'an inyo dilabuhan Kristus pakai' jomaat-Nyo,

Roma 13:14

Apo, kito gola' monjadi samo sama'an Tuhatn Yesus Kristus ongko hala monuruti Sio. Jangannam kito bopikir agi' mongona'i caronyo pakai' mongosihan kohonda' monsio.