Kolose 2:14 - Porjanjian Boharu Torjomahan Baso Dilakng Soari-ari

¹⁴ Gambarannyo sama'an ni'in: Somuo dosa kito tocatat dalapm surat hutakng inyo molawatn huatan moancapm kito. Apo Allah mohancuran surat nantai watu Yesus dipaku di kayu salib.

Kolose 2:14 ပူးပေါင်းရင်းမြစ်များ

Lukas 1:6

Siaꞌ duo laki-bini hidup monyonangan hati Allah. Sia' monuruti somuo porintah ongko poraturan Allah, agatn soponuh hati.

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

Kolose 2:20

Kaitn udah dibebasan doi' kuaso boko roh dunia ni'in. Kaitn moanggap kohidupan inyo manah nantai udah mati, ubonyo kaitn mati bosamo-samo agatn Kristus. Jadi, jangan kaitn hidup sama'an urakng inyo dikuaso'i ulih boko poraturan di dunia ni'in!

2 Tesalonika 2:7

Io paca'an totap ditahatn, apo socaro bototapu' kuaso inyo molawatn Allah udah mula'i bokorojo di dunia ni'in. Nono inyo monahan Rajo kotakng jahat nantai paca'an di buakan.

Ibrani 7:18

Jadi, watu ni'in, Hukupm Torat nantai inyo dionju' komai udah dibalakan obai hukupm nantai kinyo kuat huatan kinyo boguno.

Ibrani 8:13

Jadi, boko somadikan, obai Allah bopandir mongona'i pojanjian inyo boharu, jadi Sio mombulah pojanjian manah nantai kinyo topakaiam. Pojanjian manah nantai udah tuho huatan kinyo manah agi' paca'an hilakam.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.