Kolose 2:13 - Porjanjian Boharu Torjomahan Baso Dilakng Soari-ari

¹³ Komai kaitn udah mati socaro rohani obai kaitn bodosa huatan kinyo di sunant socaro jasmani. Apo Allah udah moonji'i kaitn kohidupan boharu bosamo-samo agatn Kristus. Allah udah moamputi somuo dosa kito.

Kolose 2:13 ပူးပေါင်းရင်းမြစ်များ

Lukas 15:24

Obai ubonyo ana'ku ni'in udah mati, apo ni'in hidup agi'. Io udah hilakng, apo ni'in ditomuan agi'.’ Lalu labuh am sia' pogai.

Lukas 15:32

Apo kito gola' bulah pogai huatan rindakng-ramai, obai adikng kolai nantai ubonyo udah mati, apo ni'in hidup agi' Io udah hilakng, apo ni'in udah kotomuannam.’ ”

Lukas 9:60

Apo Yesus bopandir ko io, “Biaram boko urakng inyo mati socaro rohani inyo kinyo pocayo agatn Allah, momasar boko urakng inyo mati socaro jasmani. Apo kolai gola' botula', momboritoan mongonaꞌi Koraja'an Allah di mono-mono.”

Yohanes 5:21

Bopai bulah boko urakng mati lalu bobali' hidup, huatan moonji'i sia' kohidupan inyo sobondarnyo. Ubo nian jam Ana' moonji'i kohidupan inyo sobondarnyo ko sopo ja' sosuai kohonda'-Nyo.

Yohanes 6:63

Inyo bulah monsio hidup ia'an Roh Allah. Kokuatan monsio co nyiant gunonyo pakai' nantai. Pomandiran inyo Ku padahan nantai boasal doi' Roh Allah. Pomandiran nantai ulih moonji'i hidup inyo sobondarnyo.

Roma 4:17

Sama'an inyo totulis dalapm Buku Suci: “Aku udah monjadian kolai bopai pakai' banya' banso.” Allah bopandir nantai ko Abrahapm, huatan Abrahapm pocayo ko Sio. Ia'an, Allah inyo bokuaso mombulah urakng mati bobali' hidup agi' huatan agatn pomandiran-Nyo aja', Allah mombulah la'apo inyo kinyo ado monjadi ado.

Roma 6:13

Jangan tundu' ko kuaso dosa huatan mombiaran dosa momakai boko anggota bukakng kaitn sama'an alat pakai' bulah kojahatan. Hidup kaitn inyo manah nantai udah mati. Watu ni'in, kaitn dionji'i hidup boharu. Jadi, tundu' ko kuaso Allah huatan mombiaran Sio momakai boko anggota bukakng kaitn sama'an alat pakai' bulah inyo bondar.

Roma 8:11

Roh Allah udah bulah Yesus Kristus hidup agi' doi' komatian. Ongko nantaiam Roh inyo diapm di dalapm diri kaitn jam. Jadi, biar pan tubuh kaitn tajahan mati, Roh Allah tajahan bulah tubuh kaitn hidup agi'.

1 Korintus 15:36

Kaitn inyo botakutn sama'an nantai sobondarnyo budu! Bukakng-tubuh urakng gola' mati sobolupm Allah bulah urakng mati nantai bobali' hidup. Samo sama'an bigi' inyo ditanam di dalapm tanah. Bigi' nantai gola' mati doholu. Hoyu' bigi' nantai tumbuh.

1 Korintus 15:45

Sama'an inyo totulis di dalapm Buku Suci, “Allah bulah monsio potamo, ia'an Adapm. Adapm monjadi hidup.” Adapm nantai disobut Adapm potamo. Apo Kristus disobut Adapm toahir. Sio nantai Roh inyo bokuaso moonji'i hidup inyo somombondarannyo.

2 Korintus 3:6

Sio inyo bulah koi sanggup dalapm molayati pomboritoan mongona'i Pojanjian Boharu inyo Sio pulah pakai' monsio. Pojanjian Boharu nantai kinyo mongona'i monuruti boko porintah inyo ditulis, apo mongona'i monuruti Roh Allah. Obai, boko porintah inyo ditulis di Hukupm Torat nantai mombaba' komatian. Apo, Roh Allah mombaba' kohidupan.

2 Korintus 5:19

Koi momboritoan obai molalu'i Kristus, Allah udah mombuka' jalatn oca' urakng ulih bodamai agi' agatn diri-Nyo. Sio kinyo mompohitukan kosalahan sia'. Sio udah moutus koi pakai' monyampaian kabar mongona'i podamaian nantai.

Efesus 2:1

Komai, kaitn udah mati socaro rohani obai kaitn bodosa huatan molanggar boko porintah Allah.

Efesus 2:11

Obai nantai, boko somadikan, ingant cam koadaan kaitn komai. Kaitn lahir sobagai boko urakng bukainyo urakng Yahudi. Urakng Yahudi mongatoan sia' umant Allah obai sia' disunant, boko hal inyo dikorojoan jari monsio aja'am. Sia' monyobut kaitn boko urakng inyo kinyo disunant inyokinyo tomansu' umant Allah.

Efesus 5:14

Nantaiam sobabnyo ado pomandiran ni'in, “Oi kulo inyo tidu', huascam! Kulo inyo mati, bobali' hidup cam! Kristus paca'an bosinar ko kulo.”

Kolose 2:12

Obai watu kaitn dibaptis dalapm damo Yesus, kohidupan kaitn inyo manah nantai udah mati, ubonyo kaitn dipasar bosamo-samo agatn Kristus. Apo kaitn pocayo obai kuaso Allah udah bulah Kristus bobali' hidup doi' komatian. Obai nantai, kaitn pan dionji'i kohidupan inyo boharu.

1 Timotius 5:6

Apo siku' urakng botina' balu inyo hidupnyo bayo monyonangan dirinyo siku', biar pan io ija' hidup sobondarnyo io udah mati socaro rohani.

1 Timotius 6:13

Allah moonji'i hidup ko somuo hal. Kristus Yesus momandiran la'apo inyo bondar mongona'i diri-Nyo siku' timpu Sio diadili di hadapan Pontius Pilatus. Jadi, di hadapan Allah huatan Kristus Yesus aku monyiuh ko kolai:

Ibrani 6:1

Obai nantai, mara am kito maju agatn boko ajaran mongona'i Sio inyo mombulah kito lobih botumbuh monjadi dewasa dalapm Kristus. Jangannam kito moulaki agi' boko ajaran dasar, ia'an ajaran obai urakng gola' botongga' molabuhan boko hal inyo pocumo huatan pocayo cam ko Allah,

Ibrani 9:14

boroti darah Kristus lobih boi' agi'. Molalu'i Roh Allah inyo hala ada'an, Kristus udah momposombahan diri-Nyo siku' ko Allah. Sio nam kurbatn posombahan inyo sompurna. Darah-Nyo mombulah hati kito monjadi borosih doi' boko porbuatan inyo kinyo bondar oca' kito ulih monyombah Allah inyo hidup.

Yakobus 2:17

Ubo nian jam aman ado urakng inyo pocayo apo hal nantai co bulah io pakai' molabuhan porbuatan inyo boi'. Kopocaya'an sama'an nian kinyo boguno.

Yakobus 2:20

Jangan budu! Aman ado urakng inyo mongatoan io pocayo ko Yesus, apo io co molabuhan porbuatan inyo monyonangan hati Allah, kopocaya'an urakng nantai conyiant gunonyo. Ado buti

Yakobus 2:26

Jadi, aman ado urakng inyo pocayo apo hal nantai kinyo mombulah io molabuhan porbuatan inyo monyonangan hati Allah, urakng sama'an nian kinyo bondar-bondar pocayo. Samo sama'an bukakng inyo pasti paca'an mati aman co bokosih di dalapmnyo.

1 Yohanes 2:12

Poana'anku! Aku monulisan ni'in ko kaitn obai dosa kaitn udah diamputi obai porbuatan Yesus Kristus.