Kolose 2:12 - Porjanjian Boharu Torjomahan Baso Dilakng Soari-ari

¹² Obai watu kaitn dibaptis dalapm damo Yesus, kohidupan kaitn inyo manah nantai udah mati, ubonyo kaitn dipasar bosamo-samo agatn Kristus. Apo kaitn pocayo obai kuaso Allah udah bulah Kristus bobali' hidup doi' komatian. Obai nantai, kaitn pan dionji'i kohidupan inyo boharu.

Kolose 2:12 ပူးပေါင်းရင်းမြစ်များ

Lukas 17:5

Ongko koduo bolas rasul nantai bopandir ko Tuhatn Yesus, “Pulahbo iman koi lobih kuat.”

Kisah Boko Rasul 14:27

Jadi, watu sia' tuntukng di Antiokhia, sia' mongumpulan boko urakng pocayo ko Yesus. Sia' duo mongisahan somuo inyo udah Allah labuhan dalapm polayatan sia'. Hususnyo, sia' mongisahan mongona'i Allah inyo moonji'i caro oca' banya' urakng inyo bukainyo urakng Yahudi monjadi pocayo ko Yesus.

Kisah Boko Rasul 2:24

Jadi, co mungkitn Yesus ija' totap mati. Obai nantaiam, Allah udah bulah Sio bobali' hidup huatan mombebasan Sio doi' ajab sonsaro komatian.

Kisah Boko Rasul 2:32

Boko somadikan, Yesus nanam Rajo nantai! Lopas Yesus mati, Allah bulah Sio hidup agi' doi' komatian. Koi somuo udah moniant Sio. Koi moniant agatn mato kopala' koi siku'.

Roma 4:24

Pomandiran nantai ditulis pakai' kito jam. Obai, kito pan monjadi bondar di hadapan Allah obai kito pocayo ko Sio. Kito pocayo Sio inyo mombulah Yesus, Tuhatn kito, bobali' hidup agi' doi' komatian.

Roma 7:4

Sama'an nian jam agatn kaitn, boko somadikanku! Caro hidup kaitn inyo manah udah mati obai bukakng Kristus mati pakai' kaitn. Jadi, hubukan kaitn agatn Hukupm Torat udah toputus. Watu ni'in, kaitn ado hubukan agatn Kristus, ia'an Sio inyo udah bobali' hidup doi' komatian. Somuo nantai tojadi oca' kito ulih monjadi boguno pakai' Allah.

1 Korintus 15:20

Apo sobondarnyo Allah udah bulah Kristus monjadi urakng potamo inyo dihidupan agi' doi' komatian.

Galatia 3:27

Kaitn somuo inyo udah dibaptis dalapm damo Kristus. Kaitn udah monorima' Yesus samo sama'an sikuꞌ urakng inyo mongona'an pakai'an inyo boharu

Efesus 2:8

Obai kaitn disolamant'an obai Allah monunju'an kasih karunia-Nyo ko kaitn huatan obai kaitn pocayo ko Kristus Yesus. Nantai bukainyo boko hal inyo kaitn usahaan, apo boko hal inyo Allah onju' ko kaitn.

Efesus 3:17

Agatn sama'an nantai Kristus hala diapm dalapm hati kaitn obai kaitn pocayo ko Sio. Kasih-Nyo monjadi dasar kohidupan kaitn huatan mombulah kaitn mongkitn kuat.

Efesus 3:7

Allah monunju'an kasih karunia-Nyo, ko aku agatn moutus aku momboritoan Kabar Boi' nantai. Kuaso-Nyo bokorojo dalapm diriku sampai aku ulih molayati Sio.

Efesus 4:5

Ongkah ado siku' Tuhatn inyo bokuaso di pucu' kito. Kito ado suti' kopocaya'an ongko suti' baptisan inyo samo.

Efesus 5:14

Nantaiam sobabnyo ado pomandiran ni'in, “Oi kulo inyo tidu', huascam! Kulo inyo mati, bobali' hidup cam! Kristus paca'an bosinar ko kulo.”

Filipi 1:29

Obai, Allah udah moonji'i kosompatan ko kaitn bukainyo bayo pakai' pocayo ko Kristus, apo pakai' mondorita' obai Kristus jam.

Kolose 1:29

Pakai' nantaiam aku bousaha koras. Aku bousaha agatn sokuat dayo doi' Kristus inyo bokorojo dalapm diriku agatn ponuh kuaso.

Kolose 2:13

Komai kaitn udah mati socaro rohani obai kaitn bodosa huatan kinyo di sunant socaro jasmani. Apo Allah udah moonji'i kaitn kohidupan boharu bosamo-samo agatn Kristus. Allah udah moamputi somuo dosa kito.

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

Ibrani 6:2

ajaran mongona'i bomacapm baptisan, ajaran mongona'i molota'an jari ko urakng, ajaran obai boko urakng paca'an bobali' hidup agi' doi' komatian, huatan ajaran mongona'i hukupan inyo somanah-manahnyo.

1 Petrus 3:21

Hal nantai monggambaran baptisan inyo watu ni'in monyolamant'an kaitn. Baptisan ni'in bukainyo upacara pakai' mombulah bukakng kaitn borosih doi' kotoran. Baptisan ia'an upacara pakai' momuhun ko Allah oca' Sio mombulah hati kaitn borosih. Baptisan nantai monyolamant'an kaitn obai Yesus Kristus udah hidup agi' doi' komatian,