Kolose 2:11 - Porjanjian Boharu Torjomahan Baso Dilakng Soari-ari

¹¹ Obai kaitn bosatu agatn Sio, ongko kaitn udah disunant. Aku kinyo bomasud sunant inyo dilabuhan monsio, apo sunant inyo dilabuhan Kristus. Ia'an, Sio bulah oca' kohonda' bodosa kinyo monguaso'i kaitn agi'.

Kolose 2:11 ပူးပေါင်းရင်းမြစ်များ

Markus 14:58

Kato sia', “Urakng ni'in kalo bopandir Io paca'an morobahan Rumah Allah inyo di pulah agatn jari monsio. Lalu, dalapm watu tigo ari, Io paca'an moninjakan inyo bukainyo, inyo kinyo di pulah agatn jari monsio.”

Lukas 2:21

Timpu boumur dolapatn ari, bobia' nantai pan disunant ongko didamo'i Yesus. Damo inyo udah dipadahan molekat sobolupm indai-Nyo buntikan.

Kisah Boko Rasul 17:24

Sioam Allah inyo bulah dunia ni'in agatn somuo tontanaman, bonatakng ongko monsio inyo bodiapm di dalapmnyo. Sioam Tuhatn inyo umputn langit ongko bumi. Jadi, Sio kinyo bodiapm dalapm boko tompat inyo dipulah ulih monsio.

Kisah Boko Rasul 7:48

Apo Allah Inyo Maho Tinggi kinyo bodiapm di dalapm rumah inyo dipulah ulih tunju'-jari monsio. Sama'an pandir Allah inyo disampaian ulih siku' urakng nabi,

Roma 2:29

Sobali'nyo, urakng inyo bondar-bondar Yahudi ia'an urakng inyo hatinyo bojiwa Yahudi; huatan urakng inyo bondar-bondar disunant ia'an sunant di hati inyo dikorojoan ulih Roh Allah, bukainyo ditulis dalapm buku. Urakng sama'an nian monorima' pujian doi' Allah, bukainyo doi' monsio.

Roma 6:6

Kito tohu obai caro hidup kito inyo manah udah mati samo sama'an dibunuh di kayu salib bosamo Kristus. Nantai tojadi oca' kuaso dosa dalapm diri kito ulih dihancuran. Agatn sama'an nian, kito kinyo agi' monjadi hulutn dosa.

Roma 7:24

Aku bopikir Hukupm Torat boi' huatan aku honda' monuruti Allah. Apo, bukakngku monuruti kohonda' pakai' bodosa sampai aku paca'an mondapat'an hukupan mati somanah-manahnyo! Colakoam aku ni'in! Sopo paca'an monyolamant'an aku doi' koadaan ni'in? Bosukurcam ko Allah obai Sio udah mongiripm Tuhatn kito, Yesus Kristus, pakai' molabuhan nantai.

2 Korintus 5:1

Koi co putus asa, obai koi tohu ni'in: Bukakng-tubuh kito di dunia ni'in samo sama'an potungguan bayo pakai' somontaromo. Aman potungguan kito rusa', kito paca'an mondapat'an rumah di sorugo inyo paca'an tahatn somanah-manahnyo. Rumah nantai doi' Allah, kinyo dipulah monsio.

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

Galatia 5:24

Boko urakng inyo monjadi pongikut Kristus Yesus, sia' udah monyaliban somuo napsu ongko kohonda' diri inyo jahat.

Efesus 4:22

Kaitn diajar pakai' moninggalan caro hidup kaitn inyo manah nantai, ia'an kohidupan kaitn inyo monjadi rusa' obai kaitn monjumpati boko kohonda' inyo monipu kaitn.

Filipi 3:3

Sobondarnyo, umant Allah ia'an kito inyo dibimbikng Roh-Nyo pakai' monyombah Sio. Ni'inan tando ‘sunant’ inyo bondar. Kito bosukur obai Kristus Yesus monyolamant'an kito. Kito co boharap ko boko porbuatan monsio.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.

Ibrani 9:11

Apo Kristus udah datakng sobagai Imam Agukng. Molalu'i Sio, boko hal inyo boi' udah datakng. Sio udah mansu' potungguan inyo lobih bosar huatan lobih sompurnadoi' kemah inyo manah nantai. Kemah nantai kinyo di pulah monsio. Rotinyo, potungguan nantai kinyo boasal doi' dunia inyo dipulah ni'in.

Ibrani 9:24

Kristus kinyo mansu' ko dalapm Ruakan Suci inyo dipulah monsio inyo bayo gambaran Ruakng Suci inyo sombondarannyo. Apo Kristus mansu' ko dalapm sorugo nantai. Watu ni'in Sio mohadap Allah momuhun ko Sio pakai' kito.