Kolose 1:7 - Porjanjian Boharu Torjomahan Baso Dilakng Soari-ari

⁷ Kaitn mongotohu'i somuo nantai doi' Epafras, somadikan inyo koi kasihi. Sio nantai kawal boi' dalapm pokoroja'an molayati Kristus agatn sotia. Sio molayati di antaro kaitn.

Kolose 1:7 ပူးပေါင်းရင်းမြစ်များ

Matius 18:29

Kawalnyo nantai tundu' monyungkapan di hadapannyo lalu momuhun, ‘Tulukng cakah holu'ai duatn agatn aku. Nononyo, paca'an kubayar mo somuo hutakngku.’

Matius 24:45

“Sopo kironyo urakng inyo pintar-corodi' huatan sotia ko Aku? Sio samo sama'an siku' hulutn inyo sotia huatan pintar-corodi'. Habakngnyo moangkat io monjadi kopala' boko hulutn inyo bukai. Habakngnyo moonji'i tanggukng-jawab ko io pakai' bobagian pomakatn ko boko hulutn inyo bukai pado watunyo.

Matius 25:21

Lalu, habakngnyo nantai bopandir ko io, ‘Boi'am! Kolai hulutn inyo boi' huatan sotia. Obai nantai kolai dapat dipocayo agatn urusan inyo kocit, jadi aku paca'an moonju' kuaso ko kolai pakai' urusan inyo bosar agi'. Mara mansu'. Bosonang-sonang bosamo agatn aku!’

1 Korintus 4:17

Aku moutus Timotius ko kaitn oca' monulukng kaitn monuruti toladatnku. Io sama'an ana' inyo kokidahku. Io jam sotia monulukngku molayati Tuhatn. Io paca'an moingant'an kaitn mongona'i caroku hidup dibabah kuaso Kristus Yesus. Caro hidup nantai samo sama'an la'apo inyo udah kuajaran disotiap jomaat di mono-mono.

1 Korintus 4:2

Tugas utamo doi' polayatn Tuhatn ia'an sio gola' ulih dipocayo

1 Korintus 7:25

Ni'inan, mongona'i boko urakng inyo bolupm kawitn. Aku co nyiant porintah doi' Tuhatn mongona'i nantai. Apo obai Sio monunju'an koboi'an-Nyo ko aku, ongko aku jadi urakng inyo ulih dipocayo moonji'i nosihat.

2 Korintus 11:23

Kata'an sia' mongatoan obai sia' molayati Kristus ai? Aku molayati Kristus agatn lobih boi'! (Aku gogilo momuji diri ubo ni'inan!) Aku bokorojo molayati lobih koras doi' pado sia'. Aku kotakng opat dimansu'an ko dalapm ponjara obai momboritoan mongona'i Kristus. Aku kotakng opat dipantu', opat jam hampir mati.

Efesus 5:21

Kaitn gola' hala tundu' ko inyo bukainyo jam pakai' mohormati Kristus.

Filipi 2:25

Apo, timpu ni'in, aku mooso pontikng mongiripm Epafroditus agi' ko kaitn. Komai, kaitn moutus io pakai' monulukng ku dalapm ponjara di si'itan. Io udah monjadi somadikanku inyo bokorojo ongko bojuakng pakai' Kristus bosamo ku.

Kolose 4:12

Salapm doi' Epafras, inyo boasal doi' tompat kaitn jam. Io molayati Kristus Yesus. Io hala bodoa agatn somombondarannyo pakai' kaitn oca' kaitn totap kuat pocayo ko Yesus. Io bodoa oca' kaitn monjadi kotakng yakitn mongona'i somuo inyo dikohonda'i Allah.

Kolose 4:7

Aku moutus somadikan inyo ku kasihi, Tikhikus, ko kaitn. Io paca'an momadahan ko kaitn somuo kabar mongona'i aku. Io nantai kawal boi' dalapm pokoroja'an molayati Tuhatn. Io molayati agatn sotia.

Kolose 4:9

Aku moutus io bosamo agatn Onesimus, inyo boasal doi' tompat kaitn jam. Io nantai somadikan inyo sotia huatan ku kasihi. Sia' duo paca'an momadahan ko kaitn somuo inyo tojadi di si'itn.

1 Timotius 4:6

Ajarancam boko hal nantai ko somuo urakng inyo pocayo. Aman ubo nian, kolai paca'an molayati Kristus Yesus agatn kotakng boi', kolai pan paca'an lobih kuat pocayo ko boko ajaran mongona'i kopocaya'an kito huatan dalapm ajaran inyo udah kolai jumpati somanah ni'in.

2 Timotius 2:2

Kolai udah mondinga' aku mongajar di hadapan urakng banya'. Jadi, ajarancam ajaran nantai ko boko urakng inyo ulih dipocayo huatan pandai mongajar urakng bukai.

Filemon 1:23

Salapm doi' Epafras inyo ado bosamo ku di ponjara obai io molayati Kristus Yesus.

Ibrani 2:17

Nantaiam alasannyo, Yesus gola' monjadi monsio dalapm somuo hal, samo sama'an kito boko somadikan-Nyo. Agatn sama'an nantai, Sio monjadi Imam Agukng inyo monunju'an bolas kasihan ongko hala sotia ko Allah oca' dosa monsio ulih diamputi.

Ibrani 3:2

Sio sotia ko Allah inyo moutus Sio, samo sama'an Musa sotia momimpitn banso Israel.