Kolose 1:25 - Porjanjian Boharu Torjomahan Baso Dilakng Soari-ari

²⁵ Allah mompocayoan aku agatn tugas molayati boko urakng inyo pocayo. Sio monyiuh aku pakai' monyampaian ko kaitn socaro longkap boko Pomandiran doi' Sio,

Kolose 1:25 ပူးပေါင်းရင်းမြစ်များ

1 Korintus 3:5

Porotiancam! Apobai Apolos pontikng? cado! Apobai Paulus pontikng? cado jam! Koi duo cumo polayatn dibabah kuaso Tuhatn pakai' monulukng kaitn pocayo ko Sio. Koi ongkah molabuhan pokoroja'an inyo Tuhatn onju' ko koi siku'-monyiku'.

1 Korintus 9:17

Soumpamonyo aku momboritoan Kabar Boi' obai kohonda'ku siku', pasti aku bodapat upah. Apo sobondarnyo Allah inyo moutusku huatan mompocayoan tugas pakai' momboritoan Kabar Boi' nantai ko aku.

Efesus 3:2

Tontu am kaitn udah mondinga' mongona'i tugas nantai inyo Allah onju' ko aku. Obai kasih karunia-Nyo, Sio moutus ku pakai' molayati kaitn.

Efesus 3:7

Allah monunju'an kasih karunia-Nyo, ko aku agatn moutus aku momboritoan Kabar Boi' nantai. Kuaso-Nyo bokorojo dalapm diriku sampai aku ulih molayati Sio.

Kolose 1:23

Nantai paca'an tojadi aman kaitn totap pocayo ko Yesus agatn kuat. Jangan sampai kaitn tongga' pocayo. Kaitn gola' sotia huatan yakitn moharap'an obai Allah momonuhi somuo inyo Sio janjian dalapm Kabar Boi'. Memang kaitn udah mondinga' Kabar Boi' nantai. Kabar Boi' nantai udah diboritoan ko boko urakng di mono-mono. Aku ni'in, Paulus, udah monjadi polayatn inyo momboritoan Kabar Boi' nantai.

1 Tesalonika 3:2

koi momutusan pakai' moutus somadikan koi, Timotius, ko kaitn. Timotius bokorojo samo agatn koi pakai' molayati Allah jam dalapm momboritoan Kabar Boi' mongona'i Kristus. Koi moutus io pakai' monguat'an hati kaitn oca' kaitn lobih kuat pocayo ko Yesus, huatan oca' io momadahi kaitn pakai' totap kuat timpu kaitn mohadapi ajab sonsaro.

1 Timotius 4:6

Ajarancam boko hal nantai ko somuo urakng inyo pocayo. Aman ubo nian, kolai paca'an molayati Kristus Yesus agatn kotakng boi', kolai pan paca'an lobih kuat pocayo ko boko ajaran mongona'i kopocaya'an kito huatan dalapm ajaran inyo udah kolai jumpati somanah ni'in.