Kolose 1:22 - Porjanjian Boharu Torjomahan Baso Dilakng Soari-ari

²² Apo agatn komatian Kristus Allah udah bulah kaitn bokoboi'an agi' agatn Sio. Sio molabuhan nantai oca' nono, timpu kaitn mohadapi Sio pakai' dihakipi, kaitn co ulih disalahan. Sio paca'an moanggap kaitn borosih, co bodosa.

Kolose 1:22 ပူးပေါင်းရင်းမြစ်များ

Lukas 1:75

monyombah Sio huatan hala monjouhan diri doi' dosa, ongko molabuhan hal inyo boi' di hadapan Tuhatn, soumur hidup kito.”

Roma 7:4

Sama'an nian jam agatn kaitn, boko somadikanku! Caro hidup kaitn inyo manah udah mati obai bukakng Kristus mati pakai' kaitn. Jadi, hubukan kaitn agatn Hukupm Torat udah toputus. Watu ni'in, kaitn ado hubukan agatn Kristus, ia'an Sio inyo udah bobali' hidup doi' komatian. Somuo nantai tojadi oca' kito ulih monjadi boguno pakai' Allah.

2 Korintus 11:2

Osonyo aku ngomburu aman sampai kaitn tuyut urakng bukai. Apo porasa'an ngomburu nantai doi' Allah. Obai, aku honda' kaitn tuyut Kristus ja'am. Kaitn samo sama'an daro inyo udah ku potunangan agatn siku' lolaki, ia'an Kristus. Aku honda' oca' kaitn suci di hadapan-Nyo.

2 Korintus 4:14

Obai, koi pocayo obai Allah inyo udah mombulah Tuhatn Yesus bobali' hidup, ubo nian jam paca'an bulah koi hidup agi' pakai' hidup kokal bosamo agatn Yesus. Allah paca'an mombaba' koi bosamo-samo agatn kaitn kopohadapan diri-Nyo.

2 Korintus 5:18

Somuonyo nantai dilabuhan Allah. Molalu'i Kristus, Allah udah bulah kito bodamai agi' agatn diri-Nyo. Allah jam moutus koi pakai' monulukng urakng bukai oca' sia' ulih bodamai agi' agatn Sio.

Efesus 1:4

Obai, sobolupm Allah mombulah dunia ni'in, Sio udah momilih kito monjadi umat-Nyo dalapm Kristus. Tujuan-Nyo oca' kito monjadi borosih, co bodosa di hadapan-Nyo.

Efesus 5:27

Agatn sama'an nantai, Kristus mombulah oca' sia' ulih bodiritn di hadapan-Nyo sobagai jomaat inyo mulia, kinyo bodosa, kinyo ado kosalahan la'apo pan. Sia' bondar-bondar monjadi borosih huatan kinyo ulih disalahan.

Kolose 1:28

Kristus nantaiam inyo koi boritoan watu koi momakai somuo kopintar-corodi'an pakai' monosihat'i huatan mongajar sotiap urakng. Tujuannyo oca' koi ulih mombaba' sotiap urakng ko Allah dalapm koadaan suci obai bosatu agatn Kristus.

1 Tesalonika 4:7

Allah kinyo moningkau kito pakai' hidup dalapm dosa molaki-mbini bolupm dipojadi. Sio moningkau kito oca' kito hidup mongkitn suci.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Ibrani 10:10

Obai, memang Yesus Kristus udah molabuhan kohonda' Allah. Ia'an, Sio momposombahan bukakng-tubuh-Nyo siku' sokali mo pakai' somanah-manahnyo. Sio molabuhan nantai oca' kito di borosihi doi' dosa kito.

Ibrani 13:21

Aku bodoa oca' Allah moonju' ko kaitn somuo hal boi' inyo dipontikan kaitn pakai' molabuhan kohonda'-Nyo. Aku bodoa oca' Allah molalu'i Yesus Kristus, mongorojoan dalapm hati kito somuo hal inyo dikohonda'i-Nyo. Mara kito momuji Sio pakai' somanah-manahnyo. Amin!

1 Petrus 3:18

Obai, Kristus udah mati sokali pakai' somuo dosa kito. Sio kinyo bodosa, apo Sio mati pakai' boko urakng inyo bodosa oca' Sio mombimbikng kito ko Allah. Sio inyo udah dibunuh dalapm koadaan-Nyo sobagai monsio, apo Roh Allah mombulah Sio hidup agi'.

2 Petrus 3:14

Obai nantai, boko somadikanku inyo ku kasihi, kapikng kaitn monanti pakai' somuo hal nantai tojadi, kaitn gola' bousaha oca' kaitn ado hubukan boi' agatn Allah. Kaitn gola' hidup agatn caro nantai oca' Sio moniant kaitn kinyo bodosa apo hidup suci di hadapan-Nyo.

Yudas 1:24

Allah inyo satu-satunyo, bokuaso monjago kaitn oca' kaitn kinyo jatu' ko dalapm dosa. Sio bokuaso mombaba' kaitn ko hadapan-Nyo inyo mulia dalapm koadaan kaitn borosih doi' dosa. Timpu nantai, kaitn pan paca'an kotakan sonang-nyaman.