Kolose 1:19 - Porjanjian Boharu Torjomahan Baso Dilakng Soari-ari

¹⁹ Obai, somuo sipat huatan kuaso Allah ado di dalapm diri Kristus. Allah siku'mo inyo mongohonda'i nantai.

Kolose 1:19 ပူးပေါင်းရင်းမြစ်များ

Lukas 10:21

Timpu nantai jam, Roh Allah bulah Yesus rindakng. Kato Yesus, “Bopai, Duatn Ponguaso langit ongko bumi. Ado urakng inyo pintar-corodi' ongko bopondidikan. Apo Aku bosukur obai Duatn kinyo monyatoan kobondaran ni'in ko sia'. Duatn monyatoan kobondaran ni'in ko urakng inyo kinyo pontikng ubo bobia' kocit. Oi, Bopai, caro nantai monyonangan hati Duatn!”

Yohanes 1:16

Obai Sio kotakng mongasihi kito, jadi kito hala monorima' borokat doi' Sio.

Yohanes 3:34

Obai urakng inyo diutus Allah monyampaian boko pomandiran Allah, obai Roh Allah udah dionju' ko Sio soponuhnyo.

1 Korintus 1:21

Allah bulah koputusan ni'in sosuai agatn kopintar-corodi'an-Nyo. Ia'an, Sio mombulah oca' monsio kinyo ulih mongonal Sio molalu'i kopintar-corodi'an monsio. Jadi, agatn sonang hati Allah monyolamant'an urakng inyo pocayo agatn momakai caro inyo dianggap budu, ia'an pomboritoan kabar boi'.

Efesus 1:23

ongko kito inyo pocayo sama'an bukakng-tubuh-Nyo. Sio momonuhi kito, ia'an Sio inyo momonuhi somuo hal.

Efesus 1:3

Topujiam Allah, ia'an Bopai doi' Yesus Kristus, Tuhatn inyo bokuaso di pucu' kito. Allah udah moonji'i ko kito somuo borokat rohani doi' sorugo dalapm Kristus.

Efesus 1:5

Allah mongasihi kito. Jadi, doi' somulo, Sio momilih kito pakai' monjadi boko poana'an-Nyo obai porbuatan Yesus Kristus. Allah molabuhan somuo nantai obai nian sosuai agatn kohonda'-Nyo huatan monyonangan hati-Nyo.

Efesus 4:10

Jadi, Kristus inyo udah turutn ko dunia ni'in, Sio jam inyo udah noi' ko tompat inyo jouh lobih tinggi doi' somuo langit. Nantai tojadi oca' Sio ulih momonuhi somuo hal agatn koboradaan-Nyo.

Kolose 2:3

Bayo Sio mo inyo ulih moonji'i kopintar-corodi'an huatan pongotohuan inyo borogo nantai.

Kolose 2:9

Obai, Allah ado soponuhnyo di dalapm diri Kristus.

Kolose 3:11

Dalapm hidup boharu ni'in, bukai-mombukai antaro urakng kinyo pontikng, contohnyo antaro urakng Yahudi agatn urakng inyo bukainyo urakng Yahudi, antaro urakng bosunant agatn urakng inyo kinyo bosunant, antaro urakng doi' banso Barbar inyo co dikonal agatn urakng doi' banso Skit inyo dorako, antaro hulutn agatn urakng bebas. Apo inyo palikng pontikng ia'an Kristus. Sio ado di dalapm boko urakng inyo pocayo.