Kolose 1:16 - Porjanjian Boharu Torjomahan Baso Dilakng Soari-ari

¹⁶ Obai, somuo hal dipulah dalapm Sio, Ia'an somuo hal di sorugo huatan di bumi, somuo hal inyo kotiat'an agatn kinyo kotiat'an, tomansu' somuo kuaso, koraja'an, pomorintah. Somuo hal dipulah molalu'i Sio huatan pakai' Sio.

Kolose 1:16 ပူးပေါင်းရင်းမြစ်များ

Yohanes 1:10

Sio ado di dunia. Dunia dipulah molalu'i Sio. Apo, boko urakng di dunia kinyo mongonal Sio.

Yohanes 1:3

Allah mombulah somuo la'apo pan molalu'i Sio. Conyiant Sio, conyiant ado la'apo pan inyo ulih dipulah.

Roma 11:36

Obai, boko la'apo pan dipulah Allah. Somuonyo boasal doi' Allah ongko pakai' Allah. Topujicam Sio somanah-manahnyo! Amin.

Roma 8:38

Obai, aku yakitn aman kito hidup damo mati, Allah totap mongasihi kito. Conyiant ado molekat, roh jahat damo kuaso bukai inyo ulih monyongkayoan kito doi' kasih Allah. Conyiant ado la'apo pan inyo tojadi watu ni'in damo nononyo,

Roma 9:5

Sia' nam koturutan Abrahapm, Ishak ongko Yakub, pombopaian angki-bayatn sia'. Pas Kristus monjadi monsio, Sio lahir sobagai koturutan urakng Israel jam. Sio bokuaso di pucu' la'apo pan. Sio nam Allah inyo cucu' dipuji somanahnyo. Amin!

1 Korintus 8:6

Apo pakai' kito, bayo ado siku' mo Allah, ia'an Allah Bopai kito. Sio inyo monjadian somuo hal. Kito hidup pakai' monyombah Sio. Pakai' kito, bayo ado siku' Tuhatn, ia'an Yesus Kristus. Somuo hal dipulah molalu'i Yesus Kristus. Kito bodapat hidup inyo sobondarannyo obai Yesus Kristus.

Efesus 1:10

Ninam hajat Allah nantai: watu inyo udah ditontuan-Nyo, Sio paca'an mombulah somuo hal di sorugo ongko di bumi monjadi sodoirmo huatan Kristus bokuaso di pucu' somuonyo.

Efesus 6:12

Obai kito boparakng bukatnnyo molawatn monsio apo molawatn somuo macapm kuaso golap di dunia ni'in, huatan molawatn somuo boko roh jahat di awakng-awakng.

Filipi 2:10

Allah molabuhan nantai oca' la'apo pan tajahan tundu' monyombah damo Yesus, Ia'an nantai la'apo pan inyo ado di langit, di bumi, ongko di babah bumi.

Kolose 1:15

Yesus Kristus nantai rupo Allah. Biar pan monsio kinyo moniant Allah, apo monsio ulih mongonal Sio molalu'i Yesus Kristus. Kristus inyo palikng bokuaso di pucu' somuo inyo dipulah-Nyo.

Kolose 1:20

Allah pan bulah somuo hal ulih bokomboi'an agi' agatn Sio. Ia'an, somuo hal di bumi huatan di sorugo. Allah molabuhan nantai agatn darah Kristus inyo mati di kayu salib.

Kolose 2:10

Ni'in, obai kaitn hidup bosatu agatn Kristus, ongko kaitn udah dionji'i somuo inyo kaitn pontikan socaro rohani. Kristusnam inyo bokuaso di pucu' somuo kuaso di dunia huatan di pucu' somuo roh inyo ado kuaso.

Kolose 2:15

Watu nantai, Sio mongalahan somuo kuaso di dunia huatan somuo roh inyo ado kuaso. Agatn caro nantai, Sio bulah sia' monjadi malu di muka' umum.

Ibrani 1:2

Apo, watu ari-ari toahir ni'in Allah bopandir ko kito molalu'i Ana'-Nyo. Allah udah monotap'an Ana'-Nyo inyo bohak momuku'i somuo hal. Molalu'i Sio, Allah mombulah sogolintaran alapm.

Ibrani 2:10

Allah mombulah somuo hal, huatan somuo hal di pulah pakai' Sio. Sio honda' mombulah banya' urakng monjadi boko poana'an-Nyo ongko moonji'i sia' kohidupan inyo mulia. Jadi, Allah pantas mombulah Yesus monjadi Ponyolamant inyo sompurna molalu'i pondorita'an. Agatn ubo nantai, Yesus ulih mombuka' jalatn ongko momimpitn sia' sampai sia' disolamant'an.

1 Petrus 3:22

noi' ko sorugo, lalu dudu' di tompat tohormat di sopia' kanan Allah. Allah mombulah Kristus bokuaso di pucu' somuo molekat ongko somuo inyo ado kokuatan huatan kokuasa'an.