Kisah Boko Rasul 9:6 - Porjanjian Boharu Torjomahan Baso Dilakng Soari-ari

⁶ Ni'inan bodiritncam. Mansu' ko kota nantai. Di su'utn paca'an ado urakng inyo momadahan la'apo inyo gola' kolai labuhan.”

Kisah Boko Rasul 9:6 ပူးပေါင်းရင်းမြစ်များ

Kisah Boko Rasul 22:10

Lopas nantai, aku botakutn, ‘La'apo inyo gola' aku labuhan, Tuhatn?’ Kato Tuhatn ko aku, ‘Bodiritncam ongko botula' ko kota Damsyik. Nono Aku paca'an moonji'i tugas ko kolai. Di kota Damsyik paca'an ado urakng inyo momadahan somuonyo ko kolai.’

Kisah Boko Rasul 26:16

Ni'in bodiritn cam. Aku moniant'an diri ko kolai pakai' moutus kolai monjadi polayatn-Ku. Kolai gola' momboritoan mongona'i la'apo inyo udah kolai tiat ni'in. Kolai pan gola' momboritoan mongona'i la'apo inyo paca'an Aku tiat'an ko kolai nononyo.

Filipi 2:12

Boko somadikanku inyo ku kasihi, kaitn hala monaati Allah. Jadi, totap gola' ongko mohormati Sio kapikng kaitn bousaha hidup agatn caro inyo cucu' pakai' boko urakng inyo udah disolamant'an. Kaitn gola' molabuhan nantai bukai aja' sama'an komai timpu aku bosamo agatn kaitn apo lobih agi' watu ni'in watu aku co bosamo agatn kaitn.

Roma 10:20

Solaitn nantai pan, nabi Yesaya borani momadahan pomandiran Allah ni'in, “Aku mombulah oca' boko urakng inyo kinyo monggoyapi Aku udah mongonal Aku. Boko monsio inyo kinyo botakutn mongona'i sopo Aku, Aku udah moniant'an diri-Ku ko sia'.”

Roma 10:3

Sia' co mongoroti caronyo Allah mombulah monsio monjadi bondar di hadapan-Nyo, ongko sia' moncubo monjumpati caro sia' siku'. Jadi, sia' co honda' monorima' caro inyo ditontuan Allah nantai.

Roma 7:9

Komainyo aku hidup kinyo bohukupm Torat. Apo, pas-udah aku tohu porintah nantai, kuaso dosa ulih bokorojo mombulah aku somongkitn molawatn Allah samo halnyo kuaso dosa nantai mula'i hidup

Roma 5:20

Jadi, dosa udah ado, lopas nian Hukupm Torat koluar. Akibatnyo, ado somongkitn banya' dosa. Biar pan dosa urakng botambah banya', lobih banya' agi' koboi'an inyo Allah onju' ko sia'.

Kisah Boko Rasul 10:32

Jadi, siuhcam boboropo urakng ko kota Yope pakai' momocaki urakng inyo bodamo Simon, inyo jam disobut Petrus. Io tongahan mongoluntukng di rumah siku' urakng pongusaha kulit bonatakng, inyo bodamo Simon jam. Rumahnyo di pinggir pantai.’

Kisah Boko Rasul 10:22

Sia' bopandir, “Koi disiuh ko si'itn ulih siku' urakng powira tontara Romawi. Damonyo Kornelius. Io nantai urakng onsi'. Io udah monjadi urakng inyo monyombah Allah. Somuo urakng Yahudi mohormatinyo. Sokomai, ado molekat Allah datakng ko io. Molekat nantai monyiuh Kornelius pakai' mohundakng duatn datakng ko rumahnyo, oca' io ulih mondinga' ajaran doi' duatn.”

Kisah Boko Rasul 10:6

Io tongahan mongoluntukng di rumah siku' urakng pongusaha kulit bonatakng, inyo bodamo Simon jam. Rumahnyo di pinggir lout.”

Kisah Boko Rasul 2:37

Timpu urakng banya' mondinga' hal nantai, hati sia' sangant monyosal. Sia' botakutn ko Petrus ongko boko rasul bukai, “Boko somadikan, la'apo inyo gola' koi labuhan?”

Lukas 3:10

Ongko urakng banya' nantai botakutn ko Yohanes, “La'apo inyo gola' koi labuhan pakai' monunju'an obai koi udah botongga' bulah dosa?”

Matius 19:30

Ado urakng inyo dianggap pontikng ni'in, apo nononyo Allah paca'an bulah sia' co pontikng. Ado jam urakng inyo dianggap co pontikng ni'in, apo nononyo Allah paca'an bulah sia' pontikng.”

Yakobus 4:6

Apo Allah udah monunju'an koboi'an-Nyo ko kito. Hal nantai sosuai agatn tulisan ni'in dalapm Buku Suci, “Allah bonci' agatn urakng inyo buhau. Apo Sio monunju'an koboi'an-Nyo ko urakng inyo rondah hati.”

Kisah Boko Rasul 9:5

Saulus botakutn, “Sopo Duatn, Tuhatn?” Saro nantai monimbas, “Aku ni'innam Yesus, inyo kolai dorako'i!