Kisah Boko Rasul 9:43 - Porjanjian Boharu Torjomahan Baso Dilakng Soari-ari

⁴³ Lopas nantai, Petrus monotap cukup manah di Yope. Io mongoluntukng bosamo siku' urakng pongusaha kulit bonatakng. Damonyo Simon.

Kisah Boko Rasul 9:43 ပူးပေါင်းရင်းမြစ်များ

Kisah Boko Rasul 10:6

Io tongahan mongoluntukng di rumah siku' urakng pongusaha kulit bonatakng, inyo bodamo Simon jam. Rumahnyo di pinggir lout.”

Kisah Boko Rasul 10:32

Jadi, siuhcam boboropo urakng ko kota Yope pakai' momocaki urakng inyo bodamo Simon, inyo jam disobut Petrus. Io tongahan mongoluntukng di rumah siku' urakng pongusaha kulit bonatakng, inyo bodamo Simon jam. Rumahnyo di pinggir pantai.’

Kisah Boko Rasul 9:38

Di kota Yope nantai, ado jam boko urakng inyo pocayo agatn Yesus. Sia' mondinga' obai Petrus ado di kota Lida. Jadi, obai kota Lida kinyo jouh doi' kota Yope, sia' moutus duo urakng ko su'utn. Sia' duo momuhun ko Petrus minto potulukan. Kato sia', “Tulukng copat botula' bosamo agatn koi ko Yope.”

Kisah Boko Rasul 9:42

Borito mongona'i mujisat nantai toborito ko soluruh kota Yope. Jadi, banya' urakng monjadi pocayo ko Tuhatn Yesus.

Kisah Boko Rasul 10:5

Jadi, ni'inan siuhcam boboropo urakng ko kota Yope. Siuh sia' pakai' momocaki siku' urakng inyo bodamo Simon, inyo disobut Petrus jam.

Kisah Boko Rasul 10:8

Kornelius monjolasan ko sia' somuo pomandiran molekat nantai. Jadi, io monyiuh sia' momocaki Simon Petrus ko Yope.

Kisah Boko Rasul 11:13

Urakng bukai Yahudi nantai bokisah ko koi. Io udah moniant molekat bodiritn di rumahnyo. Molekat nantai bopandir ko io, ‘Siuh boboropo urakng ko kota Yope pakai' mocaki siku' urakng inyo bodamo Simon, inyo jam disobut Petrus.

Kisah Boko Rasul 11:15

Jadi, aku mula'i monyampaian Kabar Boi' ko sia' somuo. Watu nantai jam, sopongirap Roh Allah turutn momonuhi sia' somuo. Roh Allah ado bosamo sia', samo sama'an inyo kito alapi komai.