Kisah Boko Rasul 9:42 - Porjanjian Boharu Torjomahan Baso Dilakng Soari-ari

⁴² Borito mongona'i mujisat nantai toborito ko soluruh kota Yope. Jadi, banya' urakng monjadi pocayo ko Tuhatn Yesus.

Kisah Boko Rasul 9:42 ပူးပေါင်းရင်းမြစ်များ

Yohanes 11:4

Pas Yesus mondinga' kabar nantai, Sio bopandir, “Ponyakit ni'in kinyo sampai momati'imo. Apo ni'in tojadi oca' monsio ulih moniant obai Allah mulia huatan oca' urakng ulih mongotohu'i obai Ana' Allah dimuliaan jam.”

Yohanes 11:45

Boko urakng Yahudi inyo datakng pakai' mohibur Maria, sia' moniant mujisat inyo udah dipulah Yesus nantai. Banya' doi' antaro sia' monjadi pocayo agatn Yesus.

Yohanes 12:44

Lalu Yesus bopandir agatn saro borakng, “Sotiap urakng inyo pocayo ko aku kinyo haja' pocayo ko aku, apo pocayo ko Allah jam inyo udah moutus Aku.

Kisah Boko Rasul 10:5

Jadi, ni'inan siuhcam boboropo urakng ko kota Yope. Siuh sia' pakai' momocaki siku' urakng inyo bodamo Simon, inyo disobut Petrus jam.

Kisah Boko Rasul 10:8

Kornelius monjolasan ko sia' somuo pomandiran molekat nantai. Jadi, io monyiuh sia' momocaki Simon Petrus ko Yope.

Kisah Boko Rasul 11:13

Urakng bukai Yahudi nantai bokisah ko koi. Io udah moniant molekat bodiritn di rumahnyo. Molekat nantai bopandir ko io, ‘Siuh boboropo urakng ko kota Yope pakai' mocaki siku' urakng inyo bodamo Simon, inyo jam disobut Petrus.

Kisah Boko Rasul 11:21

Tuhatn Allah kotakan monulukng sia' pakai' momboritoan Kabar Boi'. Obai nantai, banya' bondar urakng monjadi pocayo. Banya' urakng bukainyo Yahudi mula'i jumpat Tuhatn Yesus.

Kisah Boko Rasul 11:5

Katonyo, “Boboropo watu komai, aku ado di kota Yope. Timpu aku tongahan bodoa, aku mondapat poniant'an doi' Allah. Ado sosuatu sama'an solamba'i koitn inyo kotakan luar. Koitn nantai togantukng di koompat bucunyo, turutn doi' langit. Koitn nantai turutn maho di pohadapanku.

Kisah Boko Rasul 9:35

Somuo pondudu' di kota Lida huatan somuo pondudu' doerah Saron moniant obai Eneas udah nyamanam. Lopas nantai, sia' botongga' bulah dosa huatan pocayo ko Tuhatn Yesus.

Kisah Boko Rasul 9:36

Kinyo jouh doi' santai di kota Yope ado siku' urakng botina'. Damonyo Tabita. (Dalapm baso Yunani damo nantai disobut Dorkas.) Dorkas nantai urakng inyo pocayo agatn Yesus. Io hala bulah koboi'an agatn urakng bukai. Io pan opat monulukng urakng jaro.

Kisah Boko Rasul 9:38

Di kota Yope nantai, ado jam boko urakng inyo pocayo agatn Yesus. Sia' mondinga' obai Petrus ado di kota Lida. Jadi, obai kota Lida kinyo jouh doi' kota Yope, sia' moutus duo urakng ko su'utn. Sia' duo momuhun ko Petrus minto potulukan. Kato sia', “Tulukng copat botula' bosamo agatn koi ko Yope.”

Kisah Boko Rasul 9:43

Lopas nantai, Petrus monotap cukup manah di Yope. Io mongoluntukng bosamo siku' urakng pongusaha kulit bonatakng. Damonyo Simon.