Kisah Boko Rasul 9:40 - Porjanjian Boharu Torjomahan Baso Dilakng Soari-ari

⁴⁰ Lopas nian, Petrus monyiuh somuo urakng koluar doi' ruakan nantai. Io molota'an kopututnyo ko lantai di sopia' bangkai nantai ongko bodoa. Ongko, io mongilikng bangkai nantai. Katonyo, “Tabita, huascam.” Lansukng Tabita moncolakan matonyo. Io moniant Petrus, ongko huas huatan dudu' tontakng.

Kisah Boko Rasul 9:40 ပူးပေါင်းရင်းမြစ်များ

Matius 9:25

Lopas boko urakng nantai koluar, Yesus mansu' ko dalapm kamar bobia' nantai. Watu Yesus moncanggapm longannyo, bobia' nantai bobali' hidup ongko bodiritn.

Kisah Boko Rasul 7:60

Ongko kapikng molota'an kopututnyo ko tanah, io mondorah agatn saro kotakan borakng. Katonyo, “Tuhatn, amputicam dosa inyo sia' pulah ni'in!” Lopas bopandir sama'an nantai, Stefanus matiam.

Lukas 8:54

Ongko, Yesus moncanggapm longan bobia' nantai. Kato-Nyo, “Uai bobia', huascam!”

Kisah Boko Rasul 20:36

Lopas jadi Paulus momandiran somuo nantai, io molota'an kopututnyo ongko bodoa bosamo somuo ponotua' doi' Efesus nantai.

Lukas 22:41

Lopas nian Sio botula' kojouh sodikit doi' sia', kiro-kiro soponikapan batu. Sio tundu' monyungkapan lalu bodoa.

Markus 9:25

Timpu Yesus moniant mongkitn banya' urakng mula'i datakng bokumpul di santai, Sio momorintah roh jahat nantai agatn koras. Kato-Nyo, “Roh jahat inyo mombulah urakng bisu huatan tingal, Aku monyiuh kolai, koluarcam doi' bobia' ni'in. Jangan tamo ko dalapm io agi'!”

Kisah Boko Rasul 21:5

Apo lopas udah watunyo, koi totap honda' botula' monuju ko Yerusalem. Somuo urakng pocayo di santai moonju'an koi sampai ko luar kota. Boko ana' bini sia' tuyut jam. Di pinggir pantai, koi somuo tundu' molota'an koputut ongko bodoa.

Matius 6:6

Apo watu kaitn bodoa, mansu'cam ko dalapm kamar kaitn, ongko tutupcam lawakng. Bodoacam ko Allah Bopai kaitn inyo ado di tompat tobumbutn nantai. Ongko bayo Allah Bopai kaitn inyo ulih mongotohu'i hal nantai, Sio paca'an moonji'i upah ko kaitn.

Kisah Boko Rasul 28:8

Watu nantai, bopainyo Publius tongahan gorikng huatan podih porut. Io monggarikng di kotidu'annyo ja'am. Jadi, Paulus mohampiki io. Paulus bodoa kapikng molota'an jarinyo ko io. Watu nantai jam urakng nantai dinyamani.