Kisah Boko Rasul 9:34 - Porjanjian Boharu Torjomahan Baso Dilakng Soari-ari

³⁴ Petrus bopandir ko io, “Eneas, Yesus Kristus monyamani kolai. Bodiritncam! Gilikngcam kotidu'an kolai.” Timpu nantai jam Eneas bodiritn.

Kisah Boko Rasul 9:34 ပူးပေါင်းရင်းမြစ်များ

Matius 8:3

Yesus mouluran jari-Nyo, moncama' urakng nantai. Kato-Nyo, “Aku honda'. Nyamancam!” Lansukng io nyamanam doi' ponyakit kulit nantai.

Matius 9:6

Apo watu ni'in Aku honda' moniant'an ko kolai obai di pucu' bumi ni'in Ana' Monsio bokuaso moamputi dosa.” Ongko Yesus bopandir ko urakng lumpuh nantai, “Huascam, angkat kotidu'an kolai, huatan pulakngcam ko rumah kolai!”

Yohanes 2:11

Yesus molabuhan mujisat nantai di laman Kana di propinsi Galilea. Nantai inyo potamo doi' somuo tando inyo monunju'an sopo Sio sobondarnyo. Agatn tando nantai, Yesus monunju'an komulia'an-Nyo. Lalu, boko murid-Nyo pocayo ko Sio.

Kisah Boko Rasul 16:18

Boari-ari tumbas io molabuhan nantai timpu botomu agatn Paulus. Koponsuahannyo, Paulus kinyo tahatn agi' obai ganggu'an nantai. Jadi, Paulus mongilikng ko bolikat. Katonyo ko roh potonung nantai, “Dalapm damo Yesus Kristus, aku tundukng kolai ko luar doi' botina' ni'in!” Lansukng roh jahat nantai koluar.

Kisah Boko Rasul 3:12

Petrus moniant obai somuo sia' nantai hiratn. Ongko, io bopandir, “Boko somadikanku urakng Israel! Jangan kaitn hiratn obai kojadian ni'in. Jangan kaitn borotian koi duo. Jangan kaitn bopikir koi duo bisi koboi'an husus di hadapan Allah sampai urakng lumpuh ni'in nyamanam. Jangan kaitn bopikir koi duo bisi kuaso siku' pakai' monyamani urakng ni'in.

Kisah Boko Rasul 3:6

Apo Petrus bopandir, “Aku co nyiant duit omas ongko pira' pakai' monulukng kolai. Apo ado caro bukai aku ulih monulukng kolai: Agatn kuaso Yesus Kristus, doi' laman Nazaret, bojalatncam!”

Kisah Boko Rasul 4:10

Jadi oca' kaitn somuo tohu. Somuo urakng banso kito Yahudi gola' tohu jam! Urakng ni'in bodiritn sehat di hadapan kaitn sokarakng obai io nyamanam agatn kuaso Yesus Kristus doi' Nazaret. Kaitn udah monula' Sio sampai Sio dihukupm mati di kayu salib. Apo Allah udah bulah Sio hidup agi' doi' komatian.

Kisah Boko Rasul 9:33

Di su'utn, io botomu siku' urakng inyo lumpuh. Damonyo Eneas. Eneas nantai udah lumpuh somanah dolapatn tohutn.

Kisah Boko Rasul 9:35

Somuo pondudu' di kota Lida huatan somuo pondudu' doerah Saron moniant obai Eneas udah nyamanam. Lopas nantai, sia' botongga' bulah dosa huatan pocayo ko Tuhatn Yesus.