Kisah Boko Rasul 9:30 - Porjanjian Boharu Torjomahan Baso Dilakng Soari-ari

³⁰ Apo hajat sia' nantai dikotohu'i boko urakng inyo pocayo Yesus. Jadi, sia' moonju'an Saulus ko polabuhan di kota Kaisarea. Doi' santai sia' monula'an io ko kota Tarsus, tompat asalnyo.

Kisah Boko Rasul 9:30 ပူးပေါင်းရင်းမြစ်များ

Matius 10:23

Aman kaitn didorako'i di sobuah kota, raricam ko kota inyo bukai. Dinga'anbo! Kaitn co paca'an jadi mondataki somuo kota di tanah Israel nantai sobolupm Ana' Monsio datakng.

Matius 16:13

Lopas nantai Yesus botula' ko doerah dampikng kota Kaisarea Filipi. Di santai Sio botakutn ko boko murid-Nyo, “Kuji boko urakng, sopo Ana' Monsio?”

Kisah Boko Rasul 1:15

Lopas nantai boboropo ari, ado kiro-kiro soratus duo puluh urakng inyo pocayo ko Yesus bokumpul watu nantai. Petrus bodiritn di antaro sia' somuo. Katonyo,

Kisah Boko Rasul 11:25

Lopas nantai, Barnabas honda' bogoyap potulukan dalapm pogota'annyo doi' Saulus. Jadi, Barnabas botula' ko kota Tarsus pakai' bousaha monggoyapi Saulus di su'utn. Lopas jadi monomuan Saulus, io mombaba' Saulus bobali' ko Antiokhia.

Kisah Boko Rasul 17:10

Pado malapm nantai, boko somadikan di santai hagar monyiuh Paulus ongko Silas botula' ko kota Berea. Di su'utn, sia' duo botula' ko rumah sombayakng urakng Yahudi.

Kisah Boko Rasul 17:15

Boko urakng doi' Berea nantai moonju'an Paulus sampai ko kota Atena. Lopas nantai sia' bobali' ko Berea. Paulus boposatn ko sia' oca' Silas ongko Timotius hohagar mombodapan io.

Kisah Boko Rasul 28:14

Di kota nantai, koi botomu agatn boko urakng pocayo agatn Yesus. Sia' mominto koi monoluntukng samoan agatn sia' somanah tujuh ari. Lopas nian, koi molajuan pojalatan ko Roma molalu'i jalatn darat.

Kisah Boko Rasul 8:40

Apo Roh Allah mombaba' Filipus doi' tompat nantai ko kota inyo bodamo Asdod. Tangga'i santai io bojalatn ko kota Kaisarea. Io momboritoan Kabar Boi' di somuo kota di sopanjakng pojalatannyo.

Kisah Boko Rasul 9:11

Tuhatn bopandir ko io, “Bososiapcam! Botula' ko rumah Yudas di Jalatn Lurus. Pandiran ko urakng di rumah nantai obai kolai monggoyapi Saulus doi' kota Tarsus. Saulus ni'inan tongahan bodoa.

Galatia 1:21

Lopas aku ado di Yerusalem, aku co mondataki boko kota bukai di propinsi Yudea nantai. Aku botula' ko boboropo kota di propinsi Siria huatan Kilikia.