Kisah Boko Rasul 9:25 - Porjanjian Boharu Torjomahan Baso Dilakng Soari-ari

²⁵ Jadi boko urakng inyo pocayo agatn Yesus di kota nantai honda' monulukng Saulus oca' io ulih koluar doi' kota nantai. Obai nantai am timpu malapm, sia' mombaba' io huatan monurutan io doi' pucu' tembok nantai inyo mongoliliki kota nantai. Io diturutan di dalapm sobuti' koranjakng bosar doi' pucu' tembok kota nantai.

Kisah Boko Rasul 9:25 ပူးပေါင်းရင်းမြစ်များ

Matius 15:37

Sia' somuonyo makatn sampai konyang. Lopas nantai, sia' mongumpulan kolobihannyo ko kobudu'. Ado tujuh kobudu' inyo bisi!

Kisah Boko Rasul 11:29

Lopas jadi, mondinga' posatn nantai, somuo murid Yesus di Antiokhia momutusan pakai' monulukng boko somadikan nantai inyo tinggal di doerah Yudea. Sia' mongumpulan sumbakan. Sotiap urakng moonji'i sumbakan sobanya' mungkitn, sosuai agatn pongulihan siku'-monyiku'.

Kisah Boko Rasul 9:24

Apo hajat sia' nantai dikotohu'i Saulus. Siakng malapm sia' monjago boko pintu gerbakng kota nantai. Hajat sia', aman Saulus ado di santai, paca'an dibunuh.

Kisah Boko Rasul 9:26

Jadi, Saulus bobali' ko Yerusalem. Watu io datakng di Yerusalem, io moncubo ngopal agatn boko urakng inyo pocayo Yesus di su'utn. Apo sia' somuo ija' gola' agatn io. Sia' kinyo pocayo obai io udah bondar-bondar monjadi pocayo Yesus.

2 Korintus 11:33

Apo ado boko urakng inyo monulukngku doi' io. Sia' mombaba' ku ko sobuah jondela di dindikng inyo mongoliliki kota nantai. Lalu, sia' monurutanku ko luar di dalapm taya' bosar.