Kisah Boko Rasul 9:24 - Porjanjian Boharu Torjomahan Baso Dilakng Soari-ari

²⁴ Apo hajat sia' nantai dikotohu'i Saulus. Siakng malapm sia' monjago boko pintu gerbakng kota nantai. Hajat sia', aman Saulus ado di santai, paca'an dibunuh.

Kisah Boko Rasul 9:24 ပူးပေါင်းရင်းမြစ်များ

Kisah Boko Rasul 20:19

Aku molayati Tuhatn agatn rondah hati. Dalapm polayatan nantai, opat aku sampai monangis. Aku moalapi banya' ajab sonsaro obai urakng Yahudi inyo kinyo pocayo agatn Yesus opat bulah kojahatan ko aku.

Kisah Boko Rasul 20:3

Io monotap di su'utn somanah tigo bulatn. Lopas nantai, io bososiap pakai' bolayar ko propinsi Siria. Apo io mondinga' ado boko urakng Yahudi tongahan bohajat pakai' mombunuh io dalapm pojalatan nantai. Obai nantai, io momutusan pakai' bobali' ko Yerusalem molalu'i Makedonia.

Kisah Boko Rasul 23:30

Apo ari ni'in jam aku udah dipadahan ado kolompok urakng Yahudi inyo bohajat pakai' mombunuh io. Ongko, aku lansukng monyiuh boko projurit pakai' mombaba' io ko duatn. Aku pan udah monyiuh sia' inyo monuduh io oca' sia' cam monyampaian tuduhan sia' di hadapan duatn. Ni'innam surat doi' aku.”

Kisah Boko Rasul 25:11

Aman aku bondar-bondar udah molabuhan kojahatan ulihmo aku dihukupm mati, aku monorima' hukupan nantai. Apo aman tuduhan sia' tohadap aku kinyo bondar, co nyiant urakng inyo ulih monyorahan aku ko sia'. Socaro resmi ni'inan aku minto oca' pokaroku ditorusan ko Kaisar negara Roma.”

Kisah Boko Rasul 25:3

Sia' minto potulukan doi' gubernur Festus nantai. Sia' sangant muhun oca' Paulus dibaba' ko Yerusalem. Apo sia' ado hajat pakai' mombunuh Paulus di dalapm pojalatan.

Kisah Boko Rasul 9:25

Jadi boko urakng inyo pocayo agatn Yesus di kota nantai honda' monulukng Saulus oca' io ulih koluar doi' kota nantai. Obai nantai am timpu malapm, sia' mombaba' io huatan monurutan io doi' pucu' tembok nantai inyo mongoliliki kota nantai. Io diturutan di dalapm sobuti' koranjakng bosar doi' pucu' tembok kota nantai.

2 Korintus 11:32

Timpu aku di kota Damsyik, ado gubernur inyo diangkat Rajo Aretas. Gubernur nantai monyiuh tontara monjago boko pintu gerbakng kota nantai pakai' monangkap aku watu aku koluar.