Kisah Boko Rasul 9:18 - Porjanjian Boharu Torjomahan Baso Dilakng Soari-ari

¹⁸ Timpu nian jam, ado sosuatu inyo jatu' doi' mato Saulus, ruponyo sama'an sisi' ikatn. Lansukng io ulih moniant agi'. Lopas nantai, io bodiritn, ongko dibaptis.

Kisah Boko Rasul 9:18 ပူးပေါင်းရင်းမြစ်များ

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Kisah Boko Rasul 2:41

Watu ari nantai, ado banya' urakng inyo pocayo pomandiran Petrus nantai, kiro-kiro tigo ribu urakng. Sia' dibaptis jam. Jadi, jumlah urakng inyo pocayo agatn Yesus botambah agi'.

Kisah Boko Rasul 22:13

Io datakng bodiritn di sopia' aku. Katonyo, ‘Somadikanku, Saulus, ni'inan kolai uliham moniant agi'!’ Watu nantai jam aku ulih moniant io.

Kisah Boko Rasul 22:16

Jadi ni'in, jangan monanti agi'. Bodiritn huatan bosodiacam pakai' dibaptis. Bodoacam ko Tuhatn Yesus oca' boko dosa kolai diamputi.’

Kisah Boko Rasul 9:17

Jadi, Ananias botula' ko rumah Yudas nantai. Sopondatakngnyo di rumah Yudas, io mansu' ongko monomu'i Saulus. Io molota'an jarinyo ko Saulus kapikng bopandir, “Saulus, Somadikanku, Tuhatn Yesus moutus aku ko kolai. Sio niannam inyo kolai tiat dalapm pojalatan kolai ko si'itn. Sio moutus aku oca' kolai ulih moniant agi' huatan oca' kolai diponuhi Roh Allah.”

Kisah Boko Rasul 9:8

Lopas mondinga' pomandiran Yesus nantai, Saulus pan angkat, bodiritn, ongko moncolakan matonyo. Apo io co ulihnyo moniant la'apo pan. Jadi boko urakng inyo bosamo agatn io moncanggapm longannyo. Sia' moirikan io momansu'i kota Damsyik nantai.

2 Korintus 3:14

Pikiran sia' udah totutup. Sampai ari ni'in pan, sama'an nian jam. Jadi, timpu urakng Israel mombaco Pojanjian Manah di Hukupm Torat nantai, ubo ado koitn ponutup mato-muho inyo mombulah pikiran sia' buntu'. Sia' co mongoroti sobondarnyo tujuan Hukupm Torat nantai, obai urakng bayo mongoroti aman io di dalapm Kristus.

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.