Kisah Boko Rasul 9:17 - Porjanjian Boharu Torjomahan Baso Dilakng Soari-ari

¹⁷ Jadi, Ananias botula' ko rumah Yudas nantai. Sopondatakngnyo di rumah Yudas, io mansu' ongko monomu'i Saulus. Io molota'an jarinyo ko Saulus kapikng bopandir, “Saulus, Somadikanku, Tuhatn Yesus moutus aku ko kolai. Sio niannam inyo kolai tiat dalapm pojalatan kolai ko si'itn. Sio moutus aku oca' kolai ulih moniant agi' huatan oca' kolai diponuhi Roh Allah.”

Kisah Boko Rasul 9:17 ပူးပေါင်းရင်းမြစ်များ

Matius 19:13

Ado boko urakng mombaba' boko bobia' kocit datakng ko Yesus oca' Sio moncama' sia', ongko mondoa'an sia'. Apo, boko murid-Nyo monggodi'i boko urakng inyo mombaba' boko bobia' kocit nantai.

Markus 5:23

Io muhun bondar ko Yesus. Katonyo, “Bopai, ana' botina'ku boponyakit, hampir matiam. Tulukng dataki, cama'nyo oca' io nyamanam ongko kinyo mati.”

Markus 6:5

Yesus kinyo ulih bulah mujisat di santai, ongkah monyamani boboropo urakng boponyakit agatn molota'an jari-Nyo ko sia'.

Lukas 1:41

Timpu Elizabet mondingaꞌ salapm nantai, ana' inyo di dalapm porut Elizabet morunjakng. Roh Allah momonuhi Elizabet.

Lukas 1:67

Lopas nantai, Roh Allah momonuhi Zakharia, Bopai bobia' nantai. Obai nianam, Zakharia monyampaian posatn Allah mongonaꞌi la'apo inyo tajahan tojadi.

Lukas 1:76

Lopas nantai Zakharia bopandir ko ana'nyo, “Ana'ku kolai tajahan disobut nabi inyo diutus Allah Inyo Maho Tinggi. Kolai tajahan mondoholu'i Tuhatn pakai' monyiap'an hati urakng oca' siap monorima' Sio.

Lukas 15:30

Ana' duatn nantai udah mohabisan kodampuan duatn Bopai agatn botina' lahukng, apo kali io pulakng, Bopai monyombolih ana' sapi inyo gomu' pakai' io!’

Lukas 15:32

Apo kito gola' bulah pogai huatan rindakng-ramai, obai adikng kolai nantai ubonyo udah mati, apo ni'in hidup agi' Io udah hilakng, apo ni'in udah kotomuannam.’ ”

Lukas 2:11

Obai ari ni'in di kota Daud udah lahir siku' urakng Ponyolamant, pakai' monulukng kaitn. Io nantai Rajo Inyo Dijanjian Allah.

Kisah Boko Rasul 10:36

Kaitn tohu obai Allah udah monyampaian Kabar Boi' ko koi banso Yahudi. Joman komai, Allah bojanji Sio paca'an moutus siku' urakng Rajo. Rajo nantai paca'an mombuka' jalatn oca' urakng ulih bodamai agatn Allah. Yesus nantai Rajo Inyo Dijanjian Allah. Yesus nantai Tuhatn inyo puku' somuo urakng di dunia.

Kisah Boko Rasul 13:3

Sia' somuo bopuaso huatan bodoa agi'. Sia' molota'an jari ko Barnabas ongko Saulus kapikng bodoa mominto potulukan Allah, ongko monyiuh sia' duo botula' molabuhan polayatan nantai.

Kisah Boko Rasul 13:52

Boko urakng inyo hoyu' pocayo agatn Yesus di Antiokhia totap hidup agatn rindakng-rigah. Roh Allah monguaso'i somuo sia'.

Kisah Boko Rasul 19:6

Ongko, Paulus molota'an jarinyo ko pucu' sia'. Roh Allah turutn ko pucu' sia'. Sia' mula'i bopandir dalapm bomacapm baso inyo dionji'i Roh Allah. Momadahan boko posatn-pontal doi' Allah.

Kisah Boko Rasul 2:4

Roh Allah moisi'i somuo sia', ongko bulah sia' masikng-masikng bopandir pakai boko baso inyo bukai mombuka'i doi' baso sia' siku'.

Kisah Boko Rasul 21:20

Mondinga' hal nantai, somuo ponotua' momuji Allah. Ongko sia' bopandir ko Paulus, “Somadikan, kolai siku' ulih moniant udah ado ribuan urakng Yahudi inyo pocayo agatn Yesus. Sia' somuo rajitn monaati boko porintah Allah inyo ditulis Musa dalapm Buku Hukupm Torat.

Kisah Boko Rasul 26:15

Lopas nian, aku botakutn, ‘Sopo Duatn, Tuhatn?’ Tuhatn bopandir ko aku, ‘Aku ni'innam Yesus, inyo kolai dorako'i!

Kisah Boko Rasul 4:31

Lopas jadi bodoa, tompat sia' bokumpul nantai boguyakng. Roh Allah monguaso'i sia' somuo, jadi sia' mongkitn borani momboritoan pomandiran Allah.

Kisah Boko Rasul 6:6

Tujuh urakng ni'in dibaba' ko boko rasul. Boko rasul bodoa kapikng molota'an jarinyo ko kotujuh urakng nantai. Nianam caro sia' disiuh pakai' molabuhan tugas nantai.

Kisah Boko Rasul 8:17

Jadi Petrus ongko Yohanes molota'an jarinyo ko pucu' sia'. Watu nantai, hoyu' sia' monorima' Roh Allah.

Kisah Boko Rasul 9:18

Timpu nian jam, ado sosuatu inyo jatu' doi' mato Saulus, ruponyo sama'an sisi' ikatn. Lansukng io ulih moniant agi'. Lopas nantai, io bodiritn, ongko dibaptis.

Roma 15:7

Obai somuo nantai, kaitn gola' hala monorima' inyo bukai samo sama'an Kristus udah monorima' kaitn. Labuhancam nantai oca' Allah dipuji.

1 Korintus 15:47

Monsio potamo, ia'an Adapm, dipulah doi' dobu tanah. Hidupnyo socaro jasmani. Apo Adapm koduo, ia'an Kristus, boasal doi' sorugo.

1 Korintus 15:8

Ponsuahannyo toahir, Yesus moniant'an diri Sio ko aku. Aku monjadi rasul di watu inyo songkayo doi' boko rasul bukainyo. Samo sama'an bobia' kocit inyo lahir di watu inyo kinyo topat.

1 Korintus 9:1

Allah udah mombebasan aku. Malahan aku udah moniant Yesus, Tuhatn kito. Aku bondar-bondar rasul inyo diutus Tuhatn. Malahan, kaitn pan ia'an hasil pokoroja'an inyo ku labuhan bagi Tuhatn.

1 Timotius 4:14

Ingantcam pado watu boko ponotua' molota'an jarinyo ko kopala' kolai. Pado watu nantai, ado inyo monyampaian posatn doi' Allah. Allah moonji'i komampuan husus ko kolai. Jangan botongga' monggunoan komampuan husus nantai.

1 Timotius 5:22

Jangan tolalu copat momilih urakng monjadi ponotua' lalu molota'an jari ko io pakai' monsahannyo. Aman ado urakng bukai bulah dosa, kolai pan jangan sonjumpat'an bulah dosa. Kolai gola' monjago diri oca' kolai hidup co bulah bodosa

2 Timotius 1:6

Obai nantai, aku moingant'an kolai pakai' bulah komampuan husus kolai oca'nyo bonyalo lobih honggur. Komampuan husus nantai boasal doi' Allah timpu aku molota'an jariku ko pucu' kopala' kolai.

Filemon 1:16

Masud ku, io bukainyo bayo pacal kolai. Io lobih doi' nantai. Watu ni'in, io nam somadikan soiman inyo tokasih. Aku udah mongasihi io. Nononyo kolai pan gola' mongasihi io lobih doi' nantai agi', obai io nam pacal kolai huatan obai kaitn somadikan di dalapm Tuhatn.

Ibrani 6:2

ajaran mongona'i bomacapm baptisan, ajaran mongona'i molota'an jari ko urakng, ajaran obai boko urakng paca'an bobali' hidup agi' doi' komatian, huatan ajaran mongona'i hukupan inyo somanah-manahnyo.

2 Petrus 3:15

Kaitn gola' sadar obai alasan Tuhatn kito sabar ia'an obai Sio moonji'i urakng kosompatan pakai' disolamant'an. Somadikan kito inyo ku kasihi, Paulus, pan udah monulis surat ko kaitn mongona'i nantai. Io monulis nantai agatn hikmat inyo Allah onju' ko inyo.