Kisah Boko Rasul 9:11 - Porjanjian Boharu Torjomahan Baso Dilakng Soari-ari

¹¹ Tuhatn bopandir ko io, “Bososiapcam! Botula' ko rumah Yudas di Jalatn Lurus. Pandiran ko urakng di rumah nantai obai kolai monggoyapi Saulus doi' kota Tarsus. Saulus ni'inan tongahan bodoa.

Kisah Boko Rasul 9:11 ပူးပေါင်းရင်းမြစ်များ

Kisah Boko Rasul 22:3

“Aku urakng Yahudi samo sama'an kaitn jam. Aku dilahiran di kota Tarsus di propinsi Kilikia. Apo aku dibosaran di kota Yerusalem ni'in. Tangga'i kocit, aku bolajar boko porintah huatan poraturan Allah inyo ditulis Musa dalapm Hukupm Torat. Guru Bosar Gamaliel inyo mongajar huatan mondidik aku agatn toliti. Ongko, aku sobobondarnyo taat molayati Allah, samo sama'an somuo kaitn ari ni'in jam.

Kisah Boko Rasul 21:39

Paulus bopandir, “Aku ni'in bukainyo pomborontak nantai. Aku ni'in urakng Yahudi. Aku boasal doi' Tarsus, kota inyo pontikng di propinsi Kilikia. Aku ni'in warga doi' kota nantai. Jadi, ulih cado aku bopandir ko urakng banya' ni'in?”

Kisah Boko Rasul 9:30

Apo hajat sia' nantai dikotohu'i boko urakng inyo pocayo Yesus. Jadi, sia' moonju'an Saulus ko polabuhan di kota Kaisarea. Doi' santai sia' monula'an io ko kota Tarsus, tompat asalnyo.

Kisah Boko Rasul 11:25

Lopas nantai, Barnabas honda' bogoyap potulukan dalapm pogota'annyo doi' Saulus. Jadi, Barnabas botula' ko kota Tarsus pakai' bousaha monggoyapi Saulus di su'utn. Lopas jadi monomuan Saulus, io mombaba' Saulus bobali' ko Antiokhia.

Kisah Boko Rasul 11:13

Urakng bukai Yahudi nantai bokisah ko koi. Io udah moniant molekat bodiritn di rumahnyo. Molekat nantai bopandir ko io, ‘Siuh boboropo urakng ko kota Yope pakai' mocaki siku' urakng inyo bodamo Simon, inyo jam disobut Petrus.

Kisah Boko Rasul 8:26

Pado suatu ari, Tuhatn monyiuh molekat monomu'i Filipus. Molekat nantai bopandir, “Bososiapcam! Botula' ko arah solatatn, ko jalatn inyo turutn doi' Yerusalem ko Gaza.” (Jalatn nantai molalu'i doerah inyo langunt.)

Kisah Boko Rasul 2:21

Watu ari nantai, somuo urakng inyo mondorah mominto potulukan-Nyo, sia' paca'an disolamant'an.’

Yohanes 4:10

Timbas Yesus, “Kolai bolupm tohu mongona'i poonju' doi' Allah. Sobondarnyo kolai bolupm konal sopo Aku inyo minto minum. Aman kolai tohu boko hal nantai, pasti kolai inyo minto minum ko Aku. Lalu, Aku paca'an moonji'i kolai ara'i kohidupan.”

Kisah Boko Rasul 8:22

Jadi gola' kolai tongga'an cam bopikir jahat sama'an nantai. Bodoacam ko Tuhatn oca' kohonda' hati kolai inyo jahat nantai ulih diamputi-Nyo.