Kisah Boko Rasul 8:39 - Porjanjian Boharu Torjomahan Baso Dilakng Soari-ari

³⁹ Lopas jadi sia' monjouh doi' ara'i nantai, sopongirap Roh Allah mombaba'i Filipus doi' tompat nantai. Pojabat nantai kinyo moniant Filipus agi'. Ongko pojabat nantai molajuan pojalatannyo pulakng agatn hati inyo rindakng.

Kisah Boko Rasul 8:39 ပူးပေါင်းရင်းမြစ်များ

Markus 1:10

Lopas jadi dibaptis, Yesus hagar koluar doi' ara'i. Timpu nantai jam, langit tobuka'. Yesus moniant Roh Allah turutn ko pucu'-Nyo samo sama'an burukng daro.

Filipi 3:3

Sobondarnyo, umant Allah ia'an kito inyo dibimbikng Roh-Nyo pakai' monyombah Sio. Ni'inan tando ‘sunant’ inyo bondar. Kito bosukur obai Kristus Yesus monyolamant'an kito. Kito co boharap ko boko porbuatan monsio.

Yakobus 4:16

Apo kaitn buhau huatan mombulah hajat kinyo bopikir mongona'i kohonda' Tuhatn. Somuo kobuhauan sama'an nantai jahat.

Filipi 4:4

Somuo kaitn gola' hala sonang-nyamanam di dalapm Tuhatn! Sokali agi' ku padahan: Sonang-nyamancam!

Roma 5:2

Obai kito pocayo ko Yesus, jadi kito jam ulih moalapi koboi'an inyo Allah torus-monorus ditunju'an ko kito. Nantaiam koadaan hubukan kito agatn Allah watu ni'in. Apo kito jam sonang-nyamanam obai kito yakitn moharapan obai nono kito paca'an mondapat'an hidup inyo mulia bosamo Allah di sorugo.

Kisah Boko Rasul 13:52

Boko urakng inyo hoyu' pocayo agatn Yesus di Antiokhia totap hidup agatn rindakng-rigah. Roh Allah monguaso'i somuo sia'.

Kisah Boko Rasul 8:8

Boko urakng di kota nantai kotakan rindakng obai somuo nantai.

Matius 13:44

“Koraja'an Sorugo samo sama'an kodampuan inyo kotakan mahal inyo topondapm di lakau. Ado urakng inyo monomuan kodampuan nantai. Sio kotakng sonang-asau. Obai nantai, io momondapmnyo agi', lalu botula' monjual somuo umputnnyo oca' io ulih momboli lakau nantai.

Matius 3:16

Lopas jadi dibaptis, Yesus hagar koluar doi' dalapm ara'i. Watu nantai jam, langit tobuka'. Yesus moniant Roh Allah turutn ko Io samo sama'an burukng daro.

Kisah Boko Rasul 8:29

Pas Filipus moniant urakng Etiopia nantai, Roh Allah bopandir ko io, “Hampiki koreta nian.”

Kisah Boko Rasul 8:38

Ongko pojabat nantai monyiuh hulutnnyo pakai' monongga'an koretanyo. Filipus ongko pojabat nantai turutn ko ara'i, ongko Filipus mombaptis io.