Kisah Boko Rasul 8:31 - Porjanjian Boharu Torjomahan Baso Dilakng Soari-ari

³¹ Kato pojabat nantai, “Co mungkitn aku ulih mongoroti aman co nyiant urakng inyo monjolasannyo ko aku.” Jadi pojabat nantai mominto Filipus noi' ko koretanyo ongko dudu' bosamo agatn io.

Kisah Boko Rasul 8:31 ပူးပေါင်းရင်းမြစ်များ

Markus 10:15

Dinga'anbo! Aman urakng kinyo monyambut Koraja'an Allah sama'an bobia' kocit, io co paca'an mansu' ko dalapm Koraja'an Allah.”

Kisah Boko Rasul 8:30

Ongko Filipus bonggidi'an mohampiki koreta nantai ongko mondinga' pojabat nantai tongahan mombaco doi' buku Nabi Yesaya. Jadi Filipus botakutn, “Apobai Habakng mongoroti masud baca'an nantai?”

Kisah Boko Rasul 8:32

Bagian Buku Suci inyo dibaco pojabat nantai dinga' ni'innan: “Sio dibaba' pakai' dibunuh samo ubo siku' domba dibaba' pakai' disombolih. Apo Sio nantai co mongatoan la'apo pan samo ubo siku' domba kinyo bosaro timpu urakng mongguntikng bulunyo.

Roma 10:14

Apo co mungkitn monsio ulih minto tulukng ko Sio aman sia' bolupm pocayo ko Sio. Co mungkitn sia' ulih pocayo ko Sio aman sia' bolupm kalo mondinga' mongona'i Sio. Co mungkitn sia' mondinga' mongona'i Sio aman conyiant ado urakng inyo momboritoan mongona'i Sio.

1 Korintus 3:18

Jangan sampai ado urakng inyo ngontumbuki dirinyo siku' mongona'i kopintar-corodi'an monsio. Aman ado urakng inyo moanggap dirinyo pintar-corodi' socaro dunia, urakng nantai gola' moanggap hal nantai budu. Io gola' molabuhan nantai oca' io bondar-bondar monjadi pintar-corodi'.

1 Korintus 8:2

Aman ado urakng inyo bopikir obai io ado ‘pongotohuan husus’, sobondarnyo urakng nantai bolupm mongotohu'i boko hal inyo soharusnyo io kotohu'i.

Yakobus 1:10

Urakng dampu inyo pocayo gola' mooso sonang aman Allah morendahannyo jam. Obai, io paca'an mati samo sama'an kombakng di padakng rumput.

Yakobus 1:21

Jadi, kaitn gola' botongga' molabuhan boko hal inyo kotor huatan jahat. Lopas nian, jangan buhau. Apo torima'cam Pomandiran Allah agatn rondah hati. Allah udah monyimpatn Pomandiran-Nyo dalapm hati kaitn. Pomandiran-Nyo nantai ado kuaso pakai' monyolamant'an hidup kaitn.