Kisah Boko Rasul 8:30 - Porjanjian Boharu Torjomahan Baso Dilakng Soari-ari

³⁰ Ongko Filipus bonggidi'an mohampiki koreta nantai ongko mondinga' pojabat nantai tongahan mombaco doi' buku Nabi Yesaya. Jadi Filipus botakutn, “Apobai Habakng mongoroti masud baca'an nantai?”

Kisah Boko Rasul 8:30 ပူးပေါင်းရင်းမြစ်များ

Matius 13:19

Bonih nantai samo agatn pomandiran Allah mongona'i Koraja'an Sorugo. Tanah jalatn nantai tontai monggambaran boko urakng inyo monorima' Pomandiran Allah ongkah mondinga'an ja'am apo kinyo honda' mongoroti. Lopas nian datakng Rajo Sitatn, mombulah sia' tongkolupatn agatn pomandiran Allah, sampai hati sia' kinyo pocayo.

Matius 13:23

Apo ado boko urakng monorima' Pomandiran Allah samo sama'an tanah inyo subur. Sia' mondinga'mo, lalu mongorotimo. Obai nantaiam, ado hasil inyo boi'. Ado inyo mohasilan tigo puluh kali lipat. Ado inyo bukai onam puluh kali lipat. Ado jam inyo mohasilan sampai soratus kali lipat.”

Matius 13:51

Lalu Yesus botakutn ko boko murid-Nyo, “Kata'an kaitn mongoroti somuonyo nantai?” Sia' monimbas, “Au, koi mongoroti.”

Matius 15:10

Lalu, Yesus moningkau boko urakng banya', “Sio bopandir ko sia'!

Matius 24:15

“Timpu joman komai Nabi Daniel bopandir mongona'i ‘ado siku' urakng jahat inyo mombonasoan.’ Urakng nantai paca'an bodiritn di tompat inyo suci. (Porotiancam oca' urakng inyo mombaco ni'in mongotohu'i rotinyo.) Yesus molajuan pandir-Nyo, Aman kaitn moniant pomandiran nabi Daniel nianan monjadi nyata,

Markus 13:14

Yesus bopandir, “Ado totulis di dalapm Buku Suci mongona'i siku' urakng jahat inyo mombonasoan. Urakng nantai tajahan bodiritn di tompat inyo kinyo cucu' pakai' inyo.” (Catatan pakai' urakng inyo mombaco ni'in: Porotian cam oca' ulih momahami rotinyo). Yesus molajuan pandir-Nyo, “Aman kaitn moniant hal nantai bondaram, soboi'nyo boko urakng di doerah Yudea gola' morarian diri ko boko bukit.

Yohanes 4:34

Kato Yesus ko sia', “Makatan-Ku ia'an: molabuhan kohonda' Allah Bopai inyo moutus Aku, ia'an monjadi'i somuo pokoroja'an inyo Sio onju' ko Aku.

Yohanes 5:39

Kaitn bolajar Buku Suci obai kaitn monyangko obai ado hidup somanah-manahnyo di dalapmnyo. Apo Buku Suci nantai momadahan mongona'i Aku.

Kisah Boko Rasul 8:27

Jadi Filipus bososiap ongko botula'. Di jalatn nantai, io moniant siku' urakng Etiopia. Urakng Etiopia nantai ia'an siku' urakng pojabat tinggi. Io kopala' bendahara inyo bokorojo pakai' ratu Etiopia. Tontai pojabat nantai botula' sombayakng ko Yerusalem,

Kisah Boko Rasul 8:29

Pas Filipus moniant urakng Etiopia nantai, Roh Allah bopandir ko io, “Hampiki koreta nian.”

Kisah Boko Rasul 8:31

Kato pojabat nantai, “Co mungkitn aku ulih mongoroti aman co nyiant urakng inyo monjolasannyo ko aku.” Jadi pojabat nantai mominto Filipus noi' ko koretanyo ongko dudu' bosamo agatn io.

Kisah Boko Rasul 8:5

Di antaro sia' ado Filipus. Io botula' ko sobuah kota di doerah Samaria ongko momboritoan ko boko urakng di santai. Io momboritoan obai Yesus nantai Rajo Inyo Dijanjian Allah.

1 Korintus 14:19

Apo watu urakng pocayo bokumpul pakai' sombayakng, tujuanku pakai' mongajar urakng bukai. Jadi, aku lobih momilih pakai' momandiran lima' kato pandir inyo ulih dimongoroti daripado boribu-ribu kato pandir dalapm baso roh inyo kinyo dapat dimongoroti urakng bukai.

Efesus 5:17

Jangan budu, apo bousaha cam oca' kaitn mongoroti la'apo inyo dikohonda'i Tuhatn.

Wahyu 13:18

Mongona'i hal ni'in gola' ado hikmat. Urakng inyo pintar-corodi' ulih morotian masud doi' angka' nantai, obai angka' nantai ia'an damo siku' urakng. Angka'nyo ia'an 666.