Kisah Boko Rasul 8:23 - Porjanjian Boharu Torjomahan Baso Dilakng Soari-ari

²³ Obainyo aku moniant kolai sangant tungian. Kolai tojoyat dalapm dosa.”

Kisah Boko Rasul 8:23 ပူးပေါင်းရင်းမြစ်များ

Ibrani 12:15

Bojojagocam oca' jangan ado siku' urakng pan di antaro kaitn inyo moninggalan kasih karunia Allah. Aman ado urakng inyo molabuhan nantai, io monjadi samo sama'an tontanaman agatn buah inyo pohit huatan boracutn. Io morusa' kosatuan kaitn ongko mombulah urakng banya' mombulah dosa.

Yohanes 8:34

Kato Yesus ko sia', “Pondinga'an bobondarcam pandir-Ku ni'in! Somuo urakng inyo bulah dosa, sia' samo agatn pacal dosa.

2 Petrus 2:19

Boko guru palsu nantai bojanji obai urakng inyo tuyut ajaran sia' paca'an hidup bebas. Apo sia' siku' samo sama'an hulutn obai dosa udah mongalahan sia'. Sama'an inyo dipandiran: urakng monjadi hulutn ko sopo aja' inyo mongalahannyo.

2 Petrus 2:4

Ingantcam! Pas watu ado boko molekat inyo mombulah dosa, Allah kinyo mombebasan sia' doi' hukupan. Sio monikapan sia' ko dalapm noraka. Sia' dirantai di santai dalapm potakng sampai ari Ponghakipan nononyo.

Titus 3:3

Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.

Efesus 4:31

Jangan agi' sakit hati, somu, godi. Jangan boporap damo mohayam urakng bukai. Jangan bulah somuo macapm kojahatan sama'an nantai.