Kisah Boko Rasul 8:22 - Porjanjian Boharu Torjomahan Baso Dilakng Soari-ari

²² Jadi gola' kolai tongga'an cam bopikir jahat sama'an nantai. Bodoacam ko Tuhatn oca' kohonda' hati kolai inyo jahat nantai ulih diamputi-Nyo.

Kisah Boko Rasul 8:22 ပူးပေါင်းရင်းမြစ်များ

Kisah Boko Rasul 17:30

Timpu joman komai, ado boko banso inyo kinyo mongotohu'i caro pakai' monyombah Allah. Jadi, Allah kinyo lansukng mohukupm sia' obai boko kosalahannyo. Apo ni'in Sio porintahan somuo urakng di mono-mono gola' moninggalan dosa huatan monyonangan hati Sio.

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

Kisah Boko Rasul 8:20

Apo Petrus bopandir ko Simon, “Kironyo Allah mombonasoan kolai bosamo duit kolai nantai! Obai kolai monyangko kolai ulih mongoit Roh Allah nantai agatn duit.

Kisah Boko Rasul 9:11

Tuhatn bopandir ko io, “Bososiapcam! Botula' ko rumah Yudas di Jalatn Lurus. Pandiran ko urakng di rumah nantai obai kolai monggoyapi Saulus doi' kota Tarsus. Saulus ni'inan tongahan bodoa.

Roma 2:4

Allah kotakan boi' huatan sabar ko kaitn. Sio kinyo lansukng mohukupm kaitn. Jangan moanggap koboi'an-Nyo nantai kinyo borogo? Kaitn gola' mongoroti obai Allah monunju'an koboi'an-Nyo ko kaitn obai Sio honda' oca' kaitn moninggalan boko dosa kaitn.

Ibrani 4:12

Obai, Pomandiran Allah ia'an pomandiran inyo hidup huatan bokuaso, lobih tajapm doi' podakng bomato duo. Samo sama'an podakng inyo ulih monuhu' monyongkayoan boko posigalan huatan sunsutn, sama'an nian jam pomandiran Allah ulih monuhu' kotakng dalapm huatan monyongkayoan jiwa ongko roh. Pomandiran Allah ulih momoriso pikiran ongko hajat hati kito.

Wahyu 2:21

Aku udah moonju' botina' nantai watu pakai' moninggalan boko dosanyo. Apo, io co honda' botongga' bulah dosa bomporajoan.