Kisah Boko Rasul 8:20 - Porjanjian Boharu Torjomahan Baso Dilakng Soari-ari

²⁰ Apo Petrus bopandir ko Simon, “Kironyo Allah mombonasoan kolai bosamo duit kolai nantai! Obai kolai monyangko kolai ulih mongoit Roh Allah nantai agatn duit.

Kisah Boko Rasul 8:20 ပူးပေါင်းရင်းမြစ်များ

Matius 10:8

Nyamanicam urakng sakit. Pulahcam urakng mati bobali' hidup. Nyamanicam urakng inyo boponyakit kulit inyo bogola'i. Tundukngcam boko roh jahat. Kaitn udah monorima' borokat apo co bobayar. Ongko kaitn pan gola' moonji'i ko urakng bukai agatn co dibayar.

Matius 15:19

Obai boko pikiran jahat sama'an ni'in boasal doi' hati: pikiran pakai' mombunuh, bomporajoan bulah dosa, mongolit, bulah kotumbukan mongutu' uyakng.

Kisah Boko Rasul 10:45

Ado boko urakng Yahudi inyo tuyut Petrus doi' kota Yope. Sia' moniant kojadian nantai. Kotakan hiratn sia' obai Roh Allah jam datakng ko boko urakng inyo bukai Yahudi.

Kisah Boko Rasul 11:17

Watu kito udah pocayo ko Tuhatn Yesus Kristus, ongko Allah moonji'i Roh-Nyo ko kito. Ubo nian jam watu urakng inyo bukainyo Yahudi nantai pocayo, Allah jam moonji'i Roh-Nyo ko sia'. Aman Allah monorima' urakng bukai Yahudi sama'an nantai, co mungkitn aku ulih monula' sia'. Co mungkitn aku molawatn Allah!”

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Kisah Boko Rasul 8:19

katonyo, “Onji'i jam kuaso nantai ko aku. Jadi, timpu aku molota'an jariku ko urakng, urakng nantai paca'an monorima' Roh Allah.”

Kisah Boko Rasul 8:22

Jadi gola' kolai tongga'an cam bopikir jahat sama'an nantai. Bodoacam ko Tuhatn oca' kohonda' hati kolai inyo jahat nantai ulih diamputi-Nyo.

1 Timotius 6:9

Apo ado boko urakng inyo honda' monjadi urakng dampu. Obai nantai, watu sia' dicubo'i, sia' bulah dosa. Samo sama'an urakng kona' joyat inyo tuyut kohonda' inyo budu huatan mombohayoan. Baba'annyo, hidup sia' monjadi rusa' huatan paca'an bonaso.

Yakobus 5:3

Omas ongko pira' umputn kaitn paca'an botogar. Nianam mombutian obai kaitn tama'. Jadi, Allah paca'an mombonasoan kaitn, samo sama'an api inyo moloburan isi kaitn. Kaitn hala mongumpulan kodampuan pakai' hobu-lusonyo. Apo sobondarnyo joman ni'in nam ari toahir kaitn.

Wahyu 18:15

Boko podagakng nantai inyo udah monjadi dampu obai bodagakng di kota nantai, sia' paca'an bodiritn doi' jouh obai gola' kona' siksa'annyo jam. Sia' paca'an monangis huatan bulikng.